sunnudagur, desember 19, 2004

 

Jæja þá er Kúkkí farin heim í jólafrí með fullar töskur af pökkum, takk Kúkkí. Það fór eins og ég hélt, að sjálfsögðu gleymdi ég einu pakka sem ég fór og keypti í gær....ég get nú ekki verið þekkt fyrir að bregða út af jólahefðunum. Það er hinsvegar framför að ég keypti ekki fjóra pakka fyrir neinn og engan fyrir Odda, það borgar sig ekki að vera gráðugur.
Oscar fór í jólatrés leiðangur í gær og nú stendur stórglæsilegur normands þinur í stofunni. Vinsælasta jólatréið í ár um þessar slóðir var hinsvegar jólatré með einhverjum litlum belgjum út um allt sem hægt var að sprengja og fá voða fína appelsínu lykt en við kærum ykkur ekkert um slíka vitleysu. Enga appelsínu lykt heldur alvöru jóla/greni lykt, one nordmans thins plís...........takk fyrir takk

Á föstudaginn fórum við Kúkkí í heimsókn til íslenskra fjöldskyldu vina Kúkkís. Þar var okkur tekið opnum örmum, fleygt í okkur kökukefli og skipað að fara að fletja út laufabrauð. Það er hugsanlegt að við hefðum boðist til þess en þetta hljómar miklu meira spennandi svona.
Heimilisfaðirinn vinnur hjá FBI og þegar einhver spurði hvað það væru margir Íslendingar í UW að læra svaraði hann þrettán án þess að hika. Jebb við erum á skrá hjá FBI. Mér fannst þetta pínu skerý en Kúkkí var fljót að róga mig, "þetta er fullkomnlega eðlilegt, hann vinnur í hryðjuverkadeildinni".
Einmitt, þá líður mér miklu betur fyrst þeir eru bara með okkur á skrá vegna hugsanlegra hryðjuverka. Kúkkí kann nú aldeilis vel að róga óróglegar sálir ;)

Það er líka mögulegt að FBI hafi skrár yfir alla þá sem hafa stúdenta vegabréfsáritun og þar sem heimilisfaðirinn er giftur Íslendingi hefur hann sjálfsagt bara lagt þetta á minnið, en eins og áður er sagan miklu betri án allrar rökhugsunar.

Þorri bróðir og félagar eru að koma í heimsókn, aldrei að vita nema ég setji upp teljara og telji niður...........

farið varlega í jólastressinu.

posted by Big Bird a.k.a. BB 6:08 e.h.

mánudagur, desember 13, 2004

 

Allt að gerast meira að segja komnar inn nýjar myndir, ekki alveg splúnkunýjar bara myndir frá Þórsgiving (eða Thanksgiving eins og kaninn kallar það ennþá).

Undur og stórmerki .... BB hefur lokið við jólagjafakaup. jebb á bara eftir að pakka inn og merkja. Þetta er í meira lagi óeðlilegt fyrir mig enda hef ég reynt að hafa að minnsta kosti eina gjöf eftir á Þorláksmessu bara upp á stemmninguna. Þetta veldur mér því nokkru hugarangri, mér finnst ég vera að gleyma einhverjum.
Ég var líka svona snemma á ferðinni í fyrra en það varð svo til þess að ég marg keypti til dæmis jólagjafir fyrir litlu frænkur mínar, hver ætli detti í lukku pottinn í ár og fái fjórar jólagjafir frá mér og hver fær ekki neitt ?
Ástæða þessa dugnaðar er sú að í fyrsta skipti í ansi mörg ár er ég ekki í neinum jólaprófum og í fyrsta skipti kem ég ekki heima um jólin, það verður ýkt skrítið.
Þar sem ég kem ekki heim um jólin að hitta alla vona ég að vinir og kunningjar bregði undir sig betri fætinum og komi í heimsókn til mín, hint hint.
Fyrst jólaundirbúningurinn er komin svona vel á veg get ég bara notið þess að vinna og látið mig dreyma um skíðaferðalög um hvippinn og hvappinn.

Ég sá þetta auglýst í sjónvarpinu í gærkvöldi, ku vera allra meina bót. Blindir fá sjón og lamaðir stökkva uppúr stólunum, það eina sem þarf að gera er að kaupa þennan töfra vasaklút, Green Prosperity Handkerchief.
Eins og ég minnist á er ég búin að kaupa jólagjafirnar í ár en ef ske kynni að einhver væri enn að leita að hugmyndum af jólagjöfinni í ár þá er þetta ekki fráleit hugmynd.

posted by Big Bird a.k.a. BB 4:48 e.h.