sunnudagur, apríl 04, 2004

 

Enn og aftur er komin helgi sem hefur liðið allt of hratt þar sem að ég sit hér á sunnudagseftirmiðdegi og rita þetta. Já tíminn flýgur bara áfram og ekki hjálpar nú til þegar Kaninn tekur sig til og ákveður að stillt skuli á sumartíma. Þannig töpuðum við heilum klukkutíma í dag bara af því að einhverjum einhvern tíman fannst það heilla ráð að færa klukkuna til svo að nýta mætti betur dagsbirtuna. Humm.....einhvern tíman heyrði ég söguna um það af hverju þetta kom til en verð víst að játa það að ég er búin að steingleyma henni núna. Þessi tímafærsla olli okkur töluverðum erfiðleikum í gærkvöldi þegar verið var að reyna að reikna út hvenær formúla væri sýndi i beinni. Þar sem að hún var sýnd um miðja nótt var ákveðið að taka hana upp en klukkan hvað stilla ætti tækið á upptöku var ekki auðveldasti hlutur í heimi. Það þurfti hvorki meira né minna en einn efnaverkfræðin, einn efnafræðing og 3 verkfærðinga af ýmsum gerðum til að reikna út tímann. Já þegar menn leggja krafta sína saman er allt hægt og þeim tókst að reikna þetta rétt út. Svo að í morgun kl 10 eða í raun 11 þar sem við áttum að vera búin að færa klukkuna skriðum við á fætur og horfðum á M.Schumacher vinna enn eina ferðina.

Formúluáhorf í Sesame stræti hefur tekið á sig nýja mynd í ár þar sem að allir heimilismeðlimir eru þátttakendur í Liðstjóranum 2004. Hvert okkar hefur keypt sér 2 ökumenn, vél, bíl og dekk sem við teflum fram. Eftir hverja keppni reiknast okkur út gróði sem byggist á velgengni okkar liðs í þeirri keppni. Þannig að á milli keppna er hægt að nota gróðann til að kaupa og selja hægri vinstri með það markmið að vera með enn betra lið í næstu keppni og vinna þannig inn hærri upphæðir og fleiri stig. Já ég verð að viðurkenna að spilafíkillinn í mér er mjög virkur í þessari stöðu og þakka ég guði fyrir að þetta er bara leikur og engir raunverulegir peningar í húfi. Ef svo væri yrði ég líklega að leggjast inn á Vog í sumar til meðferðar á spilafíkn minni :o)

En nú skal haldið áfram að læra!!!! já það gerist stundum að við tökum til hendinni og kíkjum í skruddurnar.

Góðar stundir

posted by Big Bird a.k.a. BB 5:49 e.h.

fimmtudagur, apríl 01, 2004

 

Í AA og Al-Anon fræðum segir að á hverjum degi ætti hver og einn að gera eitthvað gott fyrir aðra manneskju án þess að það komist upp um góðverkið. Og ef að uppkemst um góðverkið, telst það ekki með og skildi reynt aftur. Ég verð að segja að hingað til hef ég velt vöngum yfir því hvernig það er hægt. Öll góðverk sem ég hef gert hingað til hafa á einn eða annan hátt verið upplýst ef svo má að orði komast og oftast hef ég fengið þökk fyrir. En í kvöld fékk ég loksins mitt tækifæri.
Jamm.....ég ákvað að rölta út á Tully´s til að fá mér heitt Chai te áður en Bráðavaktin byrjaði en til þess þufti ég að koma við í hraðbankanum á Market stræti. Þar sem ég staðnæmdist fyrir framan hraðbankann heyrði ég kunnulegt hljóð......du du du du.....sem þýðir að kortið sem notað hefur verið til að taka út peninga hefur ekki verið tekið úr bankanum. Já sá sem var að nota bankann á undan mér hafði gleymt að taka kortið sitt með sér aftur en var samt á bak og burt er ég kom að. Nú ég tók kortið og rölti út á Tully´s til að kaupa mér teið og spyrja hvar næsta lögreglustöð væri. Stúlkan sem afgreiddi mig sagði að í Ballard bara væri engin lögreglustöð og benti mér á að best væri að setja kortið í öryggishólf bankans þar sem fólk venjulega setur peninga sem það vill leggja inn í bankann að kvöldi til. Ég tók því servettu og skrifaði á hana útskýringu á því hvar ég hefði fundið kortið og fór með það í hólfið.
Á leið minni heim velti ég vöngum yfir þessu og komst að því að loksins loksins hefði mér tekist að gera góðverk sem ekki væri hægt að rekja til mín.....vveeeeiiiiii........Það er undarlega skemmtileg og gleðileg tilfinning að rölta heim í stjörnuskininu og vita að einhver sem ég þekki ekki neitt á eftir að vera óumræðanlega glaður þegar starfsmaður bankans hringir á morgun og segir: someone dropped your card in the deposit slot, no sir nothing had been withdrawn from your accont.

Nú skora ég á þig að gera góðverk og ef það kemst upp um þig þá verður þú að reyna aftur!

Gangi þér vel

posted by Big Bird a.k.a. BB 11:25 e.h.

þriðjudagur, mars 30, 2004

 

Á ferðalagi mínu um vefinn í kvöld takst ég á þessa frétt og síðan þá hef ég verið óhuggandi og alls ekki í stuði til að skrifa neitt annað hér í bili :o/

posted by Big Bird a.k.a. BB 11:08 e.h.

mánudagur, mars 29, 2004

 

Nýtt kvarter hófst í dag og byrjar það bara ansi vel.Glampandi sól og blíða og íbúar strætisins allir komnir út úr húsi uppúr sjö. Á þessum bæ þykir það stór fréttir.
Sjálfsagt hafa einhvernir af yngri nemendum skólans fengið tiltal frá foreldrum sínum í fríun því það var röð til að komast inná bílastæðið klukkan átta. Það hefur ekki gerst áður en ég hef engar áhyggjur af því það að endist lengi.
Það var svo frískandi að teygja úr sér og finna fyrir strengjunum í bakinu og öxlunum eftir helgina, þá veit ég allavega að ég gerði eitthvað.....þó svo ég hefði bara verið að leika mér á snjóbretti.
En margir af mínum vinum mínum tóku vel á því um helgina enda voru bæði Íslandsmótin í borðtennis kláruð. Til hamingju Jói, Lilja, Gummi, Sunna ..........svo einhverjir séu taldir til.
Úrslitin má finna hér og hér.
Til hamingju aftur og vonandi var gaman á lokahófinu, það er það held ég alltaf.

posted by Big Bird a.k.a. BB 8:56 f.h.