þriðjudagur, október 25, 2005

 

Hehhehe ég stal í tölvuna hjá Mikkaref og finnst því tilvalið að skrifa nokkur orð á Strætið á meðan hann horfir á veðurfréttirnar. Jamm hér eru allir að dunda sér við eitthvað langt fram eftir kvöldi. BB situr inn í herbergi og býr til lausnir fyrir heimadæmi nemenda sinna á meðan við Mikki höfum verið að horfa á Det.Oliviu og Det. Stabler leysa enn eitt Sérstaka fórnalambs málið. Humm ég verð samt að segja mér til málsbóta að ég las einn kafla í aðferðafræði í auglýsingahléunum......já hver segir að auglýsingar inn í þáttum séu tímasóun :Þ

Annars er allt gott að frétta af okkur Strætisbúum. Allir eru duglegir að læra og heilusræktin er höfð í slíkum hávegum að manni finnst nú nóg um, já lyftingar, jóga og body pump er meðal viðfangsefna. Jújú líklegt er að fólk verði nú orði hel-massað þegar æðið er yfirstaðið.

Svo er nú skemmtilegt frá því að segja að BB hefur hlotnast sá heiður að hita upp fyrir mikilsvirtan danskan prófessor sem væntanlegur er í heimsókn í efnaverkfræðideildina. Já þetta er bara eins og hver önnur skemmtun þar sem ungir á uppleið hita upp fyrir gömlu brýnin. Nú er bara spurning fyrir hverja hún hitar upp næst.......verða það Rolling Stones, Moby eða kannski Kim Larsen :Þ

þar til næst, gríptu gæsina því ekki er víst að hún gefist aftur!

posted by Big Bird a.k.a. BB 11:19 e.h.