laugardagur, júlí 02, 2005

 

Sælt veri fólkið! Nú gerast bara undur og stórmerki í Sesame stræti. Já strætisbúar hafa sannarlega aukið umsvif sín og geta nú boðið gestum uppá að horfa á upphalds kvikmyndir sínar í heimabíó, að því gefnu að þeir komi með hana sjálfir á mynddisk. Humm.....hvernig geta fátækir námsmenn leyft sér slíkt spyrð þú eflaust lesandi góður. Svarið er einfallt, Bakaradregnurinn varð því miður að bregða búi og er nú hið títtnefnda Scan house liðið undir lok (sniff sniff). Meðal eigna Scan house var forlátur skjávarpi og nýlegur DVD spilari er flest öll sunnudagskvöld varpaði hinum ýmsu menningakvikmyndum á vegg í Scan house. Eins og oft er þegar menn bregða búi vilja þeir koma hlutum sem þeim þykir vænst um til góðra manna er hlúa munu að og nota gjöfina vel. Því fannst Bakaradrengnum tilvalið að arfleiða Sesamestrætisbúa að græjunum með því skilyrði að hann fái að horfa á fornþýskarkvikmyndir á veggnum í Strætinu.
Skjávarpinn því í stofu stendur og er BB búin að tengja hann við stofugræjurnar. Og í gærkvöldi skellti ég Robbie Williams tónleikadisknum í spilarann og namminamm ;) Frekar flott að hafa hann risastórann upp á vegg að syngja Angels, úff úff.......get ekki beðið eftir að segja Johnny Depp á vegginn ;)

En ég stóð við stóru orðin og setti inn myndir svo ef þú smellir á hlekkinn nýjar myndir hér vinstra meginn þá sérðu að það komið nýtt albúm sem heitir fyrirSesamestrJuni. Ef þú smellir á það sérðu nokkrar að þeim fjölmörgu myndum sem við höfum tekið síðan um páska. Við eigum enn fleiri myndir en ef þú lesandi góður vilt sjá þær verðurðu annað hvort að koma í heimsókn eða bíða eftir að við flytjum dótið okkar heim!

Þar til næst, "þú finnur ekki nýjan sæ nema þú hafir þor til að missa sjónar af ströndinni" (Daniel Abraham, þýðandi: Kúkkí)

posted by Big Bird a.k.a. BB 8:06 e.h.

þriðjudagur, júní 28, 2005

 

Gúddag eins og maðurinn sagði!

Í gær var ég illilega minnt á að ég hef ekki skrifað neitt hér lengi og lögð var fram krafa um úrbætur. Hummm að öllu jöfnu læt ég ekki undan svona þrýstingi en þar sem ég vaknaði svo vel í morgun þá læt ég slag standa.
En hvað skal skrifa um? þar vandast málið því ekki nenni ég að pikka um allt það sem ég gerði í Victoria svo að þið kæru lesendur verðið bara að skella ykkur í ferðalag þangað. Ef þið skellið ykkur þá mæli ég með fræðslumyndinni um búrhvali sem sýnd er í IMAX bíói Royal BC Museum. Butchart garðarnir eru líka afar fallegir og heimsfægir ef mér skjátlast ekki. Svo er þarna kastali sem er í lagi að kíkja í og dansa vals á efstu hæðinni. Pöddugarðurinn iðar af lífi og þar fær maður að halda á alls kyns skordýrum...svaka stuð. En ég ætlaði ekki að skrifa neitt um ferðina svo ég hætti hér en fæ kannski BB til að hjálpa mér að setja inn myndir í kvöld. Miklu betra að gefa þeim orðið!
Svo l8r dear readers!

Bara eitt enn, Öll dýrin í skóginum eiga að vera vinir.

posted by Big Bird a.k.a. BB 8:26 f.h.