miðvikudagur, apríl 13, 2005

 

það er orðið ansi langt síðan ég hef látið í mér heyra hér, ástæðan er einföld, ég er að undirbúa mig fyrir general prófið mitt. Geysi skemmtilegt, raunar ætti ég að vera að vinna að því akkúrat núna en það er miklu skemmtilegra að slæpast pínu. Það eru því lítlar fréttir af mér, ég hef setið fyrir framan tölvuna nótt og dag síðan Þorri bróðir fór en sem betur fer sér fyrir endan á þessu. Miðvikudagur í næstu viku verður tölvu frír dagur og mikið hlakka ég til :-)

Annars fórum við Kúkkí í fyrsta joga tíman okkar í gær. Pínu ótrúlegt, sérstaklega þar sem þeir eru klukkan sjö á morgnanna, jammm allir frískir og kátir að leggja af stað klukkan 6:30.
Hvorug okkar hafði prófað joga áður svo í síðustu viku sýndi Oscar okkur nokkrar grunnstöður í stofunni heima. Ég verð nú að játa að ég hafði rétt mátulega trú á joga þekkingu piltsins og fannst einhvernig á honum að hugsanlega væri hann að gera grín af okkur.....veit ekki alveg hvernig mér datt það í hug.
Við Kúkkí mættum um það bil mínútu of seint í fyrsta joga tíman. Ég tek það algerlega á mig enda hef ég löngum haft tilhneigingu til þess að vera á síðustu stundu eða of sein á morgnanna. Sú tilhneiging gildir líka um miðjar nætur en allt fyrir 7 telst til nætur samkvæmt mínu tímatali.
Eníhá, þegar við trítluðum inn í salinn var þá ekki hópurinn í nákvæmlega sömu stöðu og Oscar hafði verið að sýna okkur fyrr í vikunni, það var ekki laust við að við hættum pínu erfitt með að halda niður í okkur hlátrinum.
Ég veit að Oscar lumar á ýmsu en það að vera ofur jogi það "grunnti" mig ekki.

posted by Big Bird a.k.a. BB 11:44 f.h.