fimmtudagur, febrúar 10, 2005

 

Fimmtudagur er einn af mínum uppáhaldsdögum, helgin er svo til komin og næturlífið að lifna við. Ekki það að ég stundi næturlífið að miklum krafti heldur er gott að vita til þess að það sé þarna ef mér dytti nú í hug að lyfta mér upp.
Það er annars synd hvað þessi annars ágæti fimmtudagur ætlar að fara illa af stað. Ég vaknaði upp í miðju rifrildi við leiðbeinanda minn og Kúkkí, varla hægt að kalla það draum frekar matröð. Eins og svo oft áður fór ég framúr á síðustu stundu og stökk út í bíl.
Morgunkaffið var yndislegt og svei mér þá ef það var ekki heldur heitara úti en undanfarna daga, þetta leit allt vel út. En það breyttist þegar ég sestist fyrir framan tölvuna mína.
Tölvuklösterinn sem ég var að lauma mér inná neitar að keyra reikningana mína, sama hliða..........þá getum við auðveldlega smurt nokkrum klukkutímum ofan á það, einmitt það sem ég þurfti.
Tölvuskráinn minn fríkaði út í gær og ég hálfvonaði að hann myndi jafna sig ef ég leyfði honum að hvíla sig yfir nótt, neibb hann hagar sér ennþá mjög furðulega.
Ég ákvað því að hella uppá kaffi og ná mér í beyglu í morgunmat, ristuð beygla með sólþurrkuðum tómötum ummmmmmmmmmmmmmmm en gallsúri smurosturinn sem ég setti ofan á tók mesta glansinn af máltíðinni.
En það var óþarfi að svekkja sig mikið á því, það beið mín að minnsta kosti nýlagað kaffi. Það hafði kannski beðið full lengi því það var orðið hálf volgt en kaffi er alltaf kaffi.
Ég settist fyrir framan flöktandi tölvuskjáinn með hlandvolgt kaffið og byrjaði að sötra á drykknum. Það var alls ekki svo slæmt, kannski þetta yrði bara ljómandi dagur?
ÚPPPPPPS, ég veit ekki hvernig á því stóð en allt í einu stóð hálftómur kaffibolli á borðinu og ég var að bysa við að þurrka kaffið af lyklaborðinu. Lyklaborðið hafði skýlt hluta af ljósu buxunum mínum og gefið ansi skemmtilegt minstur.
Tja fyrr má nú fyrr vera en það var lukkan að ég kom með hádegismat með mér, þá þarf ég lítið sem ekkert að fara út af skrifstofunni í dag.
Það var einn sopi eftir af kaffinu sem ég skellti í mig en hefði alveg eins getað skellt á mig enda mest megnis korkur.
Klukkan er rétt rúmlega tíu.

Kannski ég ætti bara að fara snemma heim í dag ?

posted by Big Bird a.k.a. BB 10:35 f.h.

mánudagur, febrúar 07, 2005

 

Jæja þá erum við búnar að koma okkur vel fyrir í nýju íbúðinni, netið komið upp og ekkert því til fyrirstöðu að krúfa sig aftur niður í bækurnar. Ekki það að við höfðum mikið litið uppúr þeim undanfarið.
Á föstudaginn héldum við saumaklúbb eftir alltof langt hlé, forréttur, tvíréttaður aðallréttur og eftirréttur.......það gat ekki klikkað. Eitthvað rámar mig í að Ólöf hafi verið að munda myndavél og mun ég reyna að komast yfir þau sönnunargögn við fyrsta tækifæri.
Annars stefnir í undarlegan vetur. Í síðustu viku var vor í lofti, lykt af ný slegnu grasi, já í febrúar, og krisuberjatréin farin að springa út. Um helgina var svo náttúrulega rigning. Nú stefnir í kalda en tiltölulega þurra viku en rigningu aftur um helgina.
Ég vildi óska að það rigndi aðeins meira, þá væri kannski hægt að opna skíðasvæðin aftur sem hafa engan snjó fengið síðan í byrjun janúar. Það sem verra er að með þessu áframhaldi lendum við í vatnsskorti í sumar, ekki skemmtilegt.
Annars rakst ég á þennan kúrs ef einhvern vantar ódýrar einingar.

posted by Big Bird a.k.a. BB 8:36 f.h.