fimmtudagur, janúar 20, 2005

 

Það væri synd að segja að við sætum auðum höndum þessa dagana en samt virðist lítið ganga á verkefnabunkann........og þó kannski aðeins.
Síðustu tveir mennsku íbúar Sesamestrætis ætla að flytja um helgina, þ.e. BB og Kúkkí. Málið var tekið fyrir á húsfundi þar sem BB lýsti yfir vantrausti á Svarta kisa að halda uppi heiðri sambýlisins á vefnum. Skiljanlega spunnust um þetta miklar og harðar umræður en loks fundum við lausn sem við gátum öll sætt okkur við. Sesamestræti flytur með Kúkkí og BB með því skilyrði að ný húsakynni strætisins verði einnig við stræti 58.
Við þeirri bón höfum við orðið. Breytt heimilisfang er því aðeins þremur tölustöfum frá því gamal, 1751 í stað 1539, svo má #4 endilega fylgja með en mig grunar samt að póstburðarfólkið verði fljótt að læra íbúðar númerið hjá stelpunum með löngu eftirnöfnin.

Það er ótrúlegt hvað hlutirnir taka annars langan tíman sérstaklega þetta flytnings stúss á manni. Ég hef lítið gert í flutningsmálum fyrr en í dag því ég var skikkuð til þess að flytja erindi fyrir sendinefnd Intel í morgun. Það gekk bara vel en nóg tókst mér samt að hafa áhyggjur af því, ætli ég læri einhverntíma ?
Fundurinn í morgun tók rúma tvo tíma og augljóslega var ekkert hægt að gera fyrir fundinn annað en fríka út og vera syfjuð.
Seinni partinn hef ég svo setið í símanum til að fá internet tengingu, símanúmer, sjónvarp og svo framvegis, auk þess sem hinar ýmsu skrifstofur þurfa að fá tilkynningu um breytt heimilisfang.
Kúkkí hefur tekið að sér að sanka að okkur húsgöngum og manna flutningana. Eins og við var að búast stendur hún sig með mikilli prýði, ég held svei mér þá að við séum komin með svo til allt til alls.
Það verður ekki skafið af stelpunni, vinnur eins og bersekur ( ég hef aldrei almennilega skilið þetta orða tiltæki, ætti ekki ferkar að segja vinnur eins og sjómaður/bóndi í baggaheyskap...) og les daginn út og daginn inn. Meðan ég sit hér og skrifa þessa vitleysu er Kúkkí í móttöku fyrir styrkhafa í hjúkrunardeildinni, já það hlaut að koma að því að þau létu hana vinna fyrir styrknum sínum. Hvernig ætli þessar móttökur séu í hjúkrunarfræðideildinni ? Ég reyni alltaf að forðast samkomur sem bera yfirskriftina móttaka en mig grunar þar sem hjúkrunar- og verkfræði deildin virðast vera svo gott sem svart og hvítt að þeim takist að hafa þetta skemmtilegt.
Að minnsta kosti að bjóða upp á eitthvað gott að borða.

morgun stund gefur gull í mund

posted by Big Bird a.k.a. BB 4:31 e.h.