miðvikudagur, nóvember 24, 2004

 

Hæ hó það er hátíð í bæ! Eða allavega er hún að nálgast óðfluga. Fyrir þá sem ekki eru með amerískt dagatal á hreinu þá er Þakkargjörðardagurinn á morgun og það stefnir í ofsa stuð í Sesame stræti. Hingað snjóaði (ekki samt í orðsins fylltu merkingu) fyrsta gestinum í gær og svo verður framhald af þeirri snjókomu um hádegið í dag og á morgun. Já einhvern vegin endaði það nú þannig að í Sesame stræti munu verða 4 næturgestir alla helgina og 19 manns í mat á Þakkargjörð. Snowbear mun bera hitann og þungann af kalkúna eldamennsku og yfirverkstjórn en eins og mér einni er lagið hef ég tekið að mér undirverkstjórn. Eða við vitum reyndar flest að hjúkkurnar stjórna deildinni en læknarnir halda að þeir stjórni og ég held að stjórnunarsamstarf okkar Snowbears sé svipað :Þ Og minn stjórnunarstíll er mjög hjúkrunarlitaður.....allir fá eitthvert verkefni og ég tek svo að mér að sjá til þess að allir skili hámarksárangri á sama augnablikinu og voilá: maturinn verður framborinn. Eða það vona ég allavega en við spyrjum að leikslokum.

Nú það sem eftir er helgarinnar verðum við á ferð og flugi með gestina að sýna þeim það helsta sem Seattle hefur upp á að bjóða. Kannski við smellum af nokkrum myndum við og við um helgina svo þið getið ferðast með okkur, hvur veit.

En hitt veit ég að hér verður kveikt á aðventukrans úr trölladegi á sunnudaginn. Já ég held svei mér þá að það sé ekki laust við að amma mín Jóna hafi sent mér listræna föndurstrauma og er ég þess full viss að kransinn hefði sómt sér vel í tölladeigsföndurbók hennar. Takk amma fyrir hjálpina.

þar til næst, öll dýrin í skóginum eiga að vera vinir!

posted by Big Bird a.k.a. BB 7:05 f.h.