fimmtudagur, september 09, 2004

 

Á þriðjudagsmorgun skrifaði ég ýtarlega úttekt á Bumbershoot hátíðinni en einhverra hluta vegna gat ég ekki birt það. Ég taldi nokkuð öruggt að færslan geymdi ekkert sem ekki væri birtingar hæft en hvað veit maður.
Ég prófaði því að varanlega eyða þeirri færslu og skrifa bara einhvern vitleysu í staðin. Mér finnst afskaplega leiðinlegt að skrifa sama hlutinn aftur svo það verður eitthvað lítið um Bumbershoot fréttir.
Á laugardaginn fór ég í vinnupartý til Evgeniu og co, það var stór fínt. Við rifum innúr eins og einum kjallara, tættum niður eldhús innréttingu, vaska, klósett og sturtu. Allt gekk þetta stór áfallalaust fyrir sig þó meira hafi verið gert af kappi en þekkingu.
Allavega var kjallarinn tómur og milliveggja laus þegar við yfirgáfum svæðið og allgóður stafli að eldiviði og örðu drasli í garðinum.
Við bíðum svo spennt eftir næsta partýi sem verður eflaust þegar gámurinn kemur.

posted by Big Bird a.k.a. BB 10:43 f.h.