föstudagur, júlí 23, 2004

 

Jú rétt er það hjá BB að skrifin hér á strætið eru frekar strjál þessa dagana enda sést það vel á teljaranum að heimsóknum hingað hefur fækkað verulega. Auðvitað nennir enginn að kíkja í heimsókn ef ekkert nýtt er að frétta, það skil ég vel.

Ég læt því tilleiðast og skrifa nokkur orð. Núna er ég búin að vera hér heima á landinu bláa í tæpar 3 vikur og verð ég að segja að ekki hef ég náð að brasa margt uppbyggilegt á þeim tíma. Aðallega hef ég dundað mér við að bera saman gæði café latte á hinum ýmsu kaffihúsum borgarinnar og verð ég að segja að flest öll húsin standa sig miklu betur í kaffidrykkjargerðinni en hin Seattleska kaffihúsakeðja Starbucks. Já hér finnst sannarlega bragð af kaffinu og skjálfinn eftir tvo íslenska latte er langt um öflugri en ég hef upplifað í Seattle.
Nú svo er ég hreinlega búin að fara þrisvar sinnum í fjölskyldu og húsdýragarðinn með litlu systur mína........og hvílíkt stuð!!!! Ég er samt ekki frá því að þessar ferðir hafi aðeins lækkað eggjahljóðið sem var orðin ansi hávært um tíma.
Og svo má ekki gleyma að síðasta föstudagskvöld héldu Sofía og Pétur Seattle teiti með stæl. Já þar hittumst við sem höfum dvalið langt tímum saman í Seattle og renndum yfir stöðuna. Það kom á daginn að við höfðum margt um að skrafa og nostralgían var alls ráðandi. Ekki var laust við að það blikaði tár á kvörmum sumra við upprifjunina og sumir voru með áætlanir um að koma sér sem fyrst út aftur. Sendi ég hér með kærar þakkir til Sofíu og Péturs fyrir frábæran mat og aðrar veigar.

En nú hætti ég skrifum hér í bili, frekar aumt að láta nappa sig á því að vera að skrifa á netið kl 23.34 á föstudagskveldi............segi bara eins og minn uppáhalds útvarpsmaður........uuuuussssssssssss! Hætt í bili.....

Þar til næst, munið að lífið er leikur!
Góðar stundir

posted by Big Bird a.k.a. BB 4:13 e.h.

mánudagur, júlí 19, 2004

 

Eitthvað eru skrifin hér orðið strjál, sennilegasta skýringin á þessu er að íbúarstrætisins eru á ferð og flugi hver í sínu horni þessa dagana.
Ég hef reynt eftir bestu getu að hringja eða send póst reglulega til Kúkkís og Oscars og tuða svolítið í þeim svo þau sakni mín ekki eins skelfilega. Ég vona að þau kunni vel að meta hugulsemi mína. Fyrir utan að reyna að valda þeim tveimur sem mestu ónæði hef ég reynt að heimsækja sem flesta og vinna þess á milli. Dagarnir líða því ansi fljótt og sjaldan dauður tími til þess að bulla nokkuð hér......................
Ég vona að allir séu búnir að skipta út internet Explorer fyrir Mozilla eða aðra eins snild, lof sé pop-up blocking.

posted by Big Bird a.k.a. BB 11:50 f.h.