miðvikudagur, apríl 14, 2004

 

Já það er komið að því að ég verð víst að viðurkenna að það hefði kannski verið betra ef ég hefði mætt í tölfræðitímana í HA. Þar sem að kennarinn í þeim kúrsi var með eindæmum leiðinlegur að mér fannst ákvað ég að mínum tíma væri betur eytt í það að sofa en að mæta og reyna að læra eitthvað. Ég píndi svo bara vinkonu mína til að kenna mér efnið svo að mér tækist að ná kúrsinum 2 dögum fyrir próf. Já mér tókst að ná en þetta mætingaleysi er svo sannarlega að koma mér í koll núna. Í morgun var ég að reyna að vinna með rannsóknarniðurstöður mína og skil ég hvorki upp né niður í þeim tölum og fínu töflum sem mér hefur tekist að búa til. Segi bara eins og vinir mínir: Það er nú eitt!!!
Þannig að seinni part dags fór ég á rannsóknarstofu hjúkrunar hér í skólanum og bað fólkið þar að hjálpa mér að skilja þetta en er litlu nær þar sem að ég skil varla málið sem þær nota :Þ Haldið þið að það sé ofseint að hætta við gera mastersrannsókn? Já líklega verð ég bara að hleypa í mig kjark og reyna betur.......en ég ætla samt bara að gera það á morgun, bíða og sjá hvort að þetta skírist eitthvað í svefni. Ég er nefnilega líka að lesa bók þessa dagana sem fjallar um taugabrautir heilans og þar segir að allt sem við lærum á daginn haldi áfram að lærast í svefni og því bind ég miklar vonir við að ég verði altalandi á rannsóknarmálinu á morgun eftir raunir dagsins. Wish me luck!!

Góða nótt ;o)

posted by Big Bird a.k.a. BB 5:15 e.h.

mánudagur, apríl 12, 2004

 

Faðir minn hefur löngum haft það fyrir sið að spyrja bændur frétta af sprettu og gangi vorverkanna.
Hér á norðvestur horni alheimisins (frá sjónarhorni marga heimamanna allavega) er sprettan of góð og heyskapurinn því fullmikil vinna. Í stað þess að eltast við lömb um öll tún snúast vorverkin um að klippa niður tjaldbúana.
Tjaldbúar þessir hafa engar fætur, allaveg ekki ennþá, heldur eru þetta litlar lifrur sem minna ekki vitund á litlu lifruna ljótu. Litlir, svartir og gulir ''ormar'' akkúrat passlegir til þess ég fái á tilfinninguna að þeir séu að skríða allsstaðar á mér eftir að ég klippti búin niður.
Það er góður efniviður í fyrirtaks martörð eða hryllingsmynd að sjá ruslafötuna bókstaflega iða af lífi þegar lifrurnar reynda að sleppa undan lokinu.
Já það er ekki bara í bíó sem þær streyma upp úr kirfilega lokuðum tunnum.

Fyrir utan þessi miður skemmtilegu vorverk voru páskarnir yndislegir, kartöflurnar rétt brúnaðar, lambakjötið frábært og ORA baunirnar stóðu fyrir sínu. Fullt hús af páskaeggjum og íslenskum ostum gerist ekki betra. Nema kannski að geta borðað kvöldmat út í garði á stuttbuxum og stuttermabol.......

Takk enn og aftur allir þeir sem hjálpuð okkur að halda alvöru páska !!!

posted by Big Bird a.k.a. BB 9:27 f.h.