föstudagur, september 26, 2003

 

Á tölti mínu um campus um daginn sá ég í fyrst skipti bauna tré. Í fáfræði minn hafði ég alltaf gert ráð fyrir að grænu baunabelgirnir yxu á baunagrasi eins og í Jóa og baungrasinu. En nú veit ég betur. Baunatré eru sem sagt stór tré með afskaplega fíngerðum laufblöðum. Ég fór að furða mig á því hvernig gæti staðið á því að ég hefði ekki tekið eftir því fyrr, ég hef jú búið hér í tvö ár og ég geng fram hjá því daglega.
Það stendur ögn afsíðis og reynir að láta lítið fyrir sér fara, ætli það sé með svona mikla minnimáttarkennd ? Það er sennilega um 4 metra hátt og krónan er að minnsta kosti 4-5 metrar í þvermál. Lauðblöðin eru þétt og fíngerð og svo vaxta á því baunir....... þetta tré sem hefði alla burði í að bera melónur eða að minnsta kosti epli en nei baunir eru að.
Menn hafa nú komplexa yfir minni áberandi hlutum.

posted by Big Bird a.k.a. BB 11:09 f.h.

miðvikudagur, september 24, 2003

 

Afrek dagsins var um fimm klukkutíma Costco ferð sem kostaði um 200 kall. Sjálfsagt ekkert sérstaklega hagstæð kaup ef ég reikna mér tímakaup en það tekur oft líka furðu langan tíma að ''skreppa'' í Safeway og grípa eitthvað í matinn. Ætli samanlagður Safeway tímin nái ekki hratt upp í fimm tíma Costco ferð og svo er líka miklu skemmtilegra að fara í Costco heldur en í Safeway.
Ég held að okkur hafi næstum tekist að fylla jeppan hennar Sofíu. Ég held að þetta sé í fyrsta skipti sem ég gat ekki opnað gluggan án þess að hafa áhyggjur af því að eitthvað myndi detta út á næstu ljósum eða beygju. Bíllinn var þó ekki alveg fullur því ég kom jú öðrum fætinum í gólfið og ég held að Ingvar hefði komið eins og einum morgunkornspakka milli sín og framrúðunar. Við reynum bara betur næst.

Það verður gaman að sjá myndina sem Ingvar tók af okkur í aftursætinu annars efast ég um að sjáist mikið í okkur...

posted by Big Bird a.k.a. BB 7:45 e.h.

þriðjudagur, september 23, 2003

 

Það er merkisdagur í dag, í dag eru tvö ár síðan við Oscar byrjuðum að leigja saman. Það er ótrúlegt hvað tíminn líður og jafnvel ennþá ótrúlegra að hvorugt okkar virðist hafa hlotið af sambúðinni varanlegan skaða. Það er spurning um að halda uppá þessi tímamót með pakka af Soffíu núðlum í kvöldmat ?

posted by Big Bird a.k.a. BB 4:54 e.h.

mánudagur, september 22, 2003

 

Það var alvöru kökuveisla hjá Gunnari og Evgeniu í gær, barna afmæli eru æðisleg. Afhverju er það einhvernvegin miklu eðlilegar að skófla í sig sætindum, drekka gos og spila fótbolta í barna afmælum heldur en ''fullorðins'' samkvæmum ? Það er ekki eins og krakkarnir hefðu haft mikinn tíma/tækifæri til þess að spila fótbolta eða borða kökur enda á fulla að leika sér með nýja dótið.
Við skemmtum okkur hinsvegar bara stórvel við hvoru tveggja.

Hvað er annars með þessi kúrekarstígvél og bandaríska karlmenn. Við hittum góðan kunningja okkur í gær sem er oftast mjög smekklegur til fara. Þessi ungi piltur er reyndar mikill ''country'' áhugamaður en blessunarlega hafði hann gleymt uppáhalds diskunum sínum á skrifstofunni. Hann var hinsvegar í alvöru kúrekastígvélum, tá mjóir með að ég held tré hælum svo það var hálfgerður Clint Eastwood ''fílingur'' þegar hann gekk inn. Ég hefði vel skilið þetta hefði þetta verið grín en að ''fíla'' þetta alveg í botn er eiginileg of mikið.
já hver hefur sinn djöful að draga og sjálfsagt hægt að draga þyngri/verri hluti en par af kúrekastígvélum....

posted by Big Bird a.k.a. BB 11:34 f.h.