fimmtudagur, september 11, 2003

 

Það er komið haust í Seattle, hitinn komin niður í eins og 15 gráður og það var næstum því rigning í gær. Kannski ekki mikið haust en mér finnst bara allt eitthvað svo haustlegt. Skólinn hér byrjar ekki fyrr en um mánaðarmót sem er gott mál, ég hef sem sagt ennþá nokkra daga til þess að klára allt sem ég ætlaði að gera í sumar.
Það var heldur óskemmtilegur haustboði sem beið íbúum Sesamestrætis í gær morgun, eitthvað var Oscar að tauta um að það væri megn áfengislykt við framdyrnar. Ég tók það nú svona mátulega alvarlega enda nýskriðin framúr og viðbrögð mín því eitthvað í þessa áttina yea yea, what ever !!!
Þegar við bökkuðum Gandalfi svo út úr innkeyslunni sáum við fjóra vel ölvaða sómamenn vera eitthvað að öfundast út í þann fimmta sem bersýnilega hafði verið fyrstur til þess að finna sér svefnstað í skjólinu inná milli runnanna í garðinum. Þar kom skýringin á lyktinni.
En hvað gera bændur nú ?
Mér finnst eiginlega ekki hægt að hækka bara í sjónvarpinu til þess að yfirgnæfa hroturnar og varla er hægt að sprauta á þá vatni eins og þvottabirnina ? Þetta er ekki einfalt mál því einhverstaðar verða þessi guðsbörn að vera en helst ekki í garðinum hjá mér..................

Bíðum við ekki bara og vonum að það vandamálið hverfi að sjálfum sér eða ættum við að vera leiðinleg og biðja þá að sofa einhverstaðar annarsstaðar ? En þá breytist ég í leiðinda kerlinguna sem aldrei vildi leyfa okkur að leika okkur í garðinum.....leikið ykkur einhverstaðar annarsstaðar.

Að lokum vil ég bara segja ÁFRAM FH ÁFRAM FH !!!!!!!!!!!!!!!!!!

posted by Big Bird a.k.a. BB 6:44 e.h.

sunnudagur, september 07, 2003

 

ég veit ég veit ég er rosa löt að skrifa núna, það er stundum svona.
En núna eru allvega smá breyting frá síðustu dögum, það er nefnilega farið að rigna. Eftir rúma tvo mánuði af stanslausu sólskini og stundum bara raka og mollu frameftir kvöld komu skúrir. Svei mér þá ef þær stóðu ekki í næstum 3 mínútur, er það ekki nóg til þess að við sleppum við að vökva garðinn ???

Annars voru tónleikarnir með R.E.M. náttúrulega alger snilld, þeir spiluð fullt af gömlu lögunum sínum sem gerði þetta ennþá skemmtilegra. Svo hefur bæst nýr blöggari í hópinn, ''auststrendingarnir'' Ármann og Ása í Íþöku. Það væri ekki amalegt núna að hafa ögn betra minni, þá myndi ég kannski slóðina en því er ekki að skipta í þetta skiptið allavega.

posted by Big Bird a.k.a. BB 1:29 f.h.