fimmtudagur, júlí 10, 2003

 

Það er naumast hvað tíminn líður, bara komin fimmtudagur. Síðustu dagar hafa svo sem ekki verið neitt sérstaklega viðburðarríkir í Sesamestræti að undanskilinni hárlitunni. Það var komin rót niður á mitt bak svo því varð að redda. Til þess að veita okkur Kúkkí móralskan stuðning og hjálpa til við mótunar nýrrar rannsóknarhugmynda var kölluð til Sofía sem brunnaði til okkar á nýja, matta bílnum sínum. Sofía og fjöldskylda fóru nefnilega í óvissuferð um helgina og enduðu á að keyra eftir ''frekar'' þröngum vegi. Einhver sagði að þau hefði týnt ber af trjánum út um gluggann ? Ég hef reyndar ekki séð hvernig fjöldskyldu bílinn leit út eftir strokur trjána og leyfi mér því að deila í með að minnsta kosti tveimur.

Það eru engir Ferrari litir í gangi núna enda stúlkurnar orðnar ansi færar í hárlituninni, kannski við opnum bara stofu heima, hárgreiðslustofuna The American way, haldið að það yrði ekki brjáluð aðsókn ?

Annars vorum við að ræða þetta mál með bassann vs gítarinn og sjáum að við yrðum að komast til botns í þessu máli. Til þess er náttúrulega bara ein leið, helga jólafríið vísindunum og leggja af stað með bassa annars vegar og gítar hinsvegar og sjá hvernig veiðist. Til viðmiðunar þurfum við þriðju stúlkuna sem ber ekkert hljóðfæri og er hér með auglýst eftir umsækjendum.
Til þess að lágmarka skekkjuvalda eins og aðrar konur með hljóðfæri eða ekki hljóðfæri kemur rannsóknin til með að fara fram í miðausturlöndum en þar teljum við hverfandi líkur á að við mætum konum með bassa eða gítar. Staðarvalið hefur því ekkert með brúneygða, dökkhærða og súkkulaði brúna karlmenn að gera.
Vonast er eftir styrk frá Durex í þess ferð.

Sem ''back up plan'' ef svo ólíklega vill til að ekkert verður úr þessu er að koma heim um jólin.

Var ég búin að segja frá því hvað Bono og U2 voru geggjað flottir á Írlandi, ég geri sjálfsagt aldrei of oft !!!

Afhverju gengur ekki að pósta þetta og hvar er commenta kerfið.........snökt, snökt, snökt

posted by Big Bird a.k.a. BB 2:22 e.h.

mánudagur, júlí 07, 2003

 

Skrítið hvað fimm mínútur geta verið lengi að líða stundum. Ég er að bíða eftir að tölvan klári eitt af jobunum mínum svo ég geti farið heim með góða samvisku, eitthvað ætlar nú samt að teygjast úr þessum fimm mínútum. Þetta er farið að minna á stundirnar þegar maður var krakki og beið í bílnum á meðan mamma skaust bara 5 mínútur inní búð eða eitthvað, það gátu stundum verið langar fimm mínútur allaveg fannst mér það stundum margir klukkutímar. Ætli það hafi nokkurntíman verið svo lengi, hver veit ????

Annars var þetta bæði gleðilegur dagur og ekki svo gleðilegur, Arvind félagi minn á labinu var að verja doktorsritgerðina sína í dag. Það gekk mjög vel sem er alveg frábært. Þetta þýðir hinsvegar að hann er að fara og ég verð ein eftir með verkefnið okkar, snökt, snökt, snökt.... Aumingja Kúkkí og Oscar nú verða þau líka að hlusta á mig bölva tilraunagræinu.

Gúllas og kartöflumús í kvöldmat, ummmmmmmmmm ég verð að fara að komast heim í strætið

posted by Big Bird a.k.a. BB 7:16 e.h.

sunnudagur, júlí 06, 2003

 

Harsarmynd var það, Arnold í allri sinni dýrð í gervi vélmennis #3. Alveg arfaslöpp mynd, ekki það að ég hafi haft miklar væntar fyrirfram.
Því miður get ég ekki borið þessa mynd við fyrri myndir í sömu seríu því ég hef hingað til ekki sóst í að sjá þær, ætli ég haldi mig ekki bara við það.

Eftir að hafa í gær gengið á fjöll, skoðað fossa og arkað gengum frumskóga.....allaveg í gengum gróður fór ég á öllu kunnuglegri slóðir í dag, í miðbæinn að versla. Ég held svei mér þá að ég hafi ekki náð eins góðum árangri á þeim keppnisvellli í mörg ár, takk Kúkkí fyrir móralskan stuðning.
Þýðir sigur í verslunarferðum samt ekki stórfelldan ósigur um næstu mánaðarmót ? En er það ekki seinni tíma vandamál !!!

Fyrst ég er byrjuð að monta mig af afrekum mínum er við hæfi að minnast á það að minnstu munaði að mér tækist að sólbrenna á annari öxlinni í verslunarleiðangrinum. Hvernig er hægt að brenna bara á annari öxlinni þegar maður er gangandi ????

Það er margt skrítið í henni veröld.

posted by Big Bird a.k.a. BB 11:29 e.h.