miðvikudagur, apríl 30, 2003

 

Einhverrra hluta vegna virðist ekki hjá því komist að læra svolítið á tölvur þegar maður er í skóla, þá meina ég ekki að vinna á þær heldur að gera við þær. Ég hef aldrei gefið mig út fyrir að vita nokkurn skapaðan hlut um tölvur hvorki hugbúnað né hlutina sem þær eru samsettar úr. Af einhverjum óskiljanlegum ástæðum er ég þó farinn að setja upp tölvur hægri vinstri og þessa dagana er ég einmitt að reyna að bjarga einni af vinnutækjunum mínum. Þegar ég var búin að prófa að kveikja og slökkva, bölva og ragna og sparka pínu með litlum árangri ákvað ég að format c: væri besta lausnin.
Ástæðan fyrir öllum þessum látum er að tölvan er ekki bara óvenju hæg heldur eru villur eins og ''this program has preformed a legal operation and must be shut down'' ansi algengar. Þess vegna þurfti óhemju þolinmæði til þess að afrita öll gögnin sem ég þurfti af harðadiskum fyrir tiltekina en nú er það loks búið. Tölvan er enn frekar skapstygg og raunar neitan hún að hreinsa harðadiskinn og er nokk sama hvaða brögðum ég reyni að beita.

Getur verið að tölvan hafi sál og taki þessari árás minni persónulega ? Hvernig get ég eiginilega útskýrt fyrir henni að hún verði (vonandi) betri en ný þegar ég er búin ????

posted by Big Bird a.k.a. BB 7:38 e.h.

þriðjudagur, apríl 29, 2003

 

Þetta er nú meiri letin í okkur, ekkert skrifað bara síðan fyrir helgi hummmm.
Annars var helgin fyrsta helgin þar sem fyrir fram var ákveðið að taka sér alveg frí annan daginn, í þessu tilfelli sunnudaginn. Frídagurinn hófst þó frekar furðulega þegar ábúendur mættu með greinar í morgunmat. Ég veit að þetta er stórskrítið heimilishald en hvað á maður að lesa þegar það er enginn moggi ??
Þegar kaffið var runnið niður var haldið í bæinn á gamla skróð að sækja skárri fararskjóta fyrir sunnudags bíltúrinn. Því miður varð ég ekki vitni að brosinu á andlitinu á Kúkkí þegar hún tók við lyklunum af nýjum eldrauðum Mustang !!!!
Rauður Mustang var í raun afskaplega viðeignandi í þessa ferð enda stefnt út á túlipana akrana. Að sjálfsögðu náðum við að spilla fleirum svo á endanum voru það sesamestrætisbúar, Ragga, Pétur, Sofía og krakkarnir sem drifu sig á stað. Því miður var búið að taka niður 90 % af túlpönunum, þ.e. búið að skera burtu blómin þegar við komum.
Getur einhver sagt mér afhverju þeir skera burtu bara blómin en skilja leggina eftir ???
En þó að túlipanarnir væru farnir var æðislegt að komast aðeins út úr bænum og ekki síðra að þeysast eftir hraðbrautinni á rauðum Mustang : )
Fyrst við vorum byrjuð að slæpast var tekin lýðræðisleg ákvörðun um að halda því bara áfram svo um kvöldið var bara grill og videó. Maid in Manhattan, ekkert sérstaklega góð mynd, hvernig datt okkur í hug að leiga hana ????
Nú er svo upphafin ný vika, mánudags fyrirlesturinn var afskaplega athyglisverður að þessu sinni enda umræðuefnið grad school. Fyrirlesarinn fór í gengum alla góðu og slæmu siðina sem nemar í framhaldsnámi tileinka sér, vá hvað maður kannaðist við sig stundum......en batnandi manni er best að lifa.
Er að ekki gott markmið að reyna að verða betri manneskja ?

posted by Big Bird a.k.a. BB 10:59 f.h.