fimmtudagur, apríl 24, 2003

 

Ég fylgist greinilega ekki nógu vel með íslenska almanakinu. Í morgun dreif ég mig á fætur fyrir allar aldri til þess að geta hringt í fólk heim á skrifstofutíma, ég hringdi um allan bæ en skildi ekkert í því afhverju engin virtist vilja tala við mig. Þegar ég opnaði svo póstinn minn, fullan af sumarkveðjum kveiknaði loks á perunni, sumardagurinn fyrsti og tad er víst frídagur ; )

Gleðilegt sumar !!!!!

posted by Big Bird a.k.a. BB 12:01 e.h.

þriðjudagur, apríl 22, 2003

 

Þá er páskafríið eflaust búið hjá þeim sem fengu svoleiðis en því er víst ekki að skipta í bandaríkjunum. Kannski eins gott því ef ég man rétt þá fór páskafríið oftast í próflestur eða sannviskubit yfir því að vera ekki að lesa upp fyrir próf. Hér eru ekki próf fyrr en í júní og páskarnir voru því meira svona súkkulaði sæla, ójá íslenskt súkkulaði er æðislegt.
Kúkkí var að fara í einhvert fínt kvöldverðaboð í kvöld í gömlum kastala í boði einhvers lyfjarisa held ég, já það er fínt að vera í heilbrigðisgreinanum.
Annars minnti það mig á ferð sem ég fór til Luxemburgar fyrir nokkrum árum og þá sem þjálfari. Okkur var boðið í kvöldmat í kastala einmitt og skilaboðið voru að ''jú sjúdd dress vell'', yfirfarastjórinn kom þessum skilaboðum áleiðis til okkur hinna og við skipuðum leikmönnum okkar að klæða sig uppá fyrir kastalamatinn. Í pilsum og jakkafötum mætti svo íslenski hópurinn í rútuna sem fór með okkur í kastalann. Það er gott að Íslendingar eru ýmsum veðrum vanir þó svo þeir séum í sparifötunum því kvöldmaturinn var snæddur utan dyra, umkringd kastalarústum í rigningu.
Allir aðrir matargestir voru líka ''vell dressed'' það er að segja í þykkum peysum, úlpum og regnbuxum !!!!!!

Ég er nú samt nokk viss að pilsið hafi verið rétti klæðnaðurinn á Kúkkí í kvöld.

posted by Big Bird a.k.a. BB 6:48 e.h.

sunnudagur, apríl 20, 2003

 

Gleðilega páska !!!!
Loksins meigum við opna páskaeggin sem Jón kom með fyrir um það bil viku. Það er pínu skrítið að vera að borða páskaegg en samt var ekkert páskafrí. Maður vann bara allan föstudaginn langa en Oscar grillaði fyrir okkur um kvöldið. Hann fór í whole foods sem er búð sem selur eingöngu lífræntræktað grænmeti og kjöt, rosalega fín búð og dýr eftir því, eiginilega svona Gallaerí Kjöt Seattle, maður á það nú stundum skilið. Svo var tekið til í garðinum, borðaðir grillaðir kjötpinnar og ís á eftir, algert æði, TAKK en og aftur Oscar. Ragnhildur kom svo og sat með okkur frameftir fyrir framan arineldin að spila settlers. Ætli okkur takist að gera hana algerlega ''húkkt'' líka ?
Laugardagurinn var svo vel bókaður, Ragga var komin í sesamestræti fyrir hádegi og brunað var í Northgate ( verslunarmiðstöð ) að kaupa afmælisgjafir. Jóhann og AB voru nefnilega að halda uppá afmælin sín, það er alveg ferlega gaman að koma í leikfangaverslanir hérna það er hreinlega allt til. Verst bara hvað er erfitt að velja.
Áður en við fórum í afmælið komum við við á ''pow wa'' sem er indjána hátíð sem haldin var í skólanum. Þar sáum við meðal annars danskeppni og hlustuðum á indjánatónlist, versta að maður getur ekki gefið hljóðdæmi.
Eftir barnaafmæli í glampandi sólskini fóru nokkrir Íslendingana heim til Sofíu og Péturs (foreldra afmælisbarnanna) að spjalla og borða íslenska osta og harðfisk. Já þeir skiluðu loksins töskunni, Sofía var nefnilega að koma að heiman og ein af töskunum hennar týndist á leiðinni og auðvitað var það sú sem var með öllum matnum en hún komst til skila sem betur fer.

Páskadag sjálfan byrjuðum við hinsvegar snemma, ekki var það nú eingöngu til þess að ráðast á páskaeggin heldur til þess að horfa á formúluna. Þegar ég kom framúr uppúr fimm í morgun sátu Kúkkí, Oscar og Ragga í stofunni að fylgjast með formúlunni. Ágætis keppni þó svo hún væri ekki eins spennandi og sú síðasta en öllu tilfinningaþrungnari þó, já það er greinilega hart í Sjúmakker bræðrum.

Við Kúkkí fórum svo í pásk ''brunch'' til Önnubel sem er bandarísk kunningja kona mín hérna í Seattle, eftir að hafa virðar pínu litla hundinn hennar Önnubel fór Kúkkí í annað matarboð en ég er komin í skólann. Megas 1972-2002 spilar undir enda húsið nánast tómt og ég ein á labinu. Já er getur verið svo notalegt að þurfa ekki að vera með heyratólin, nú er Megas farinn að syngja um Ragnheiði biskupsdóttur það minnir mig alltaf á íslenskar útilegur og kassagítar ahhhhhhhhhhhhh.

posted by Big Bird a.k.a. BB 5:10 e.h.