föstudagur, apríl 04, 2003

 

Föstudagur og enn ekkert plan komið fyrir helgina. Reyndar kom upp sú hugmynd að bregða sér í dýragarðinn og skoða týgrisdýra ungana, svona litlar sætar bröndóttar kisur með stórar vígtennur. Einhver talaði um softball æfingu og svo þetta venjulega maður ætti sjálfsagt að vera að vinna. Svo á Oscar náttúrulega afmæli á sunnudaginn svo við gerum okkur sjálfsagt daga mun þá líka. Þvílíkt þversögn við höfum þéttskipaða dagskrá fyrir helgina sýnist mér bara.
Annars var enn ein litunar samkoman á miðvikudaginn, í þetta skiptið tók Ragnhildur þátt í gleðskapnum og ég held barasta að okkur hafi tekist ágætlega upp. Í gærkvöldi fórum við svo á söngleikinn Vesalingana, þetta var stór skemmtileg sýning í alla staði. Þetta var líka í fyrsta skipti sem ég fer eitthvað í þessu landi þar sem ég sé fólk almennt uppá klætt og margir hverjir meira að segja bara nokkuð vel til fara. Ég var hinsvegar lúði samkomunnar með skólatöskuna á bakinu, já það var víst á dagskráninni að vinna eitthvað þegar maður kæmi heim.

Ég er alveg hætt að skilja dress kódan hérna, þú ferð í bíó, á kaffihús og á djammið bara eins og þú stendur. Fólk mætir beint úr skólanum í partý svo ekki er mikið lagt uppúr fínerí heitnum þar. Þegar við fórum og sáum Fríðu og Dýrið voru fæstir eitthvað uppá klæddir en í gær voru það allir. Ætli það hafi eitthvað með sýninguna að gera eða er það byggingin, maður fer alltaf þokkalega til fara í Þjóðleikhúsið en kannski ekki eins fín í Loftkastalan eða hvað ?
Já ég bíð bara spennt eftir Stomps sem ég held að sé á sama stað og Sigurrósar tónleikarnir voru á sínum tíma. Þá minnti klæðaburðurinn ansi mikið á götur London sem var mjög viðeigandi svo kannski verður Charles Dickens thema á Stopms, maður veit víst aldrei.

Annars voru ansi sniðugar leiðbeiningar í leikskráni sem við fengum í gær, ekki tala eða syngja með, taktu bréfið utan af hálstöflunum fyrirfram, slökktu á gsm símann og stilltu ilmvatni og rakspíra í hóf því margir hafi ofnæmi fyrir slíku. Allt saman góðar og gildar ábendingar en hefði ekki verið sniðugt að benta á þetta aðeins fyrr. Ég fann til dæmis enga sturtu aðstöðu fyrir þá sem höfðu ''gluðað'' á sig fullt af ilmvatni áður en þeir komu ???
Bara svona að velta þessu fyrir mér.....

posted by Big Bird a.k.a. BB 10:21 f.h.

miðvikudagur, apríl 02, 2003

 

Það var ýmislegt á dagskráni fyrir daginn í gær en eitthvað varð nú lítið úr því. Skýrslan mín kláraðist ekki enda tveir dagar og tvær nætur þar til ég þarf að skila henni svo ekkert liggur á.
Við hefðum líka getað gert aðra atrennu að kvikmyndahátíðinni en eftir æilega útreið á mánudaginn var ákveðið að fara frekar á softball æfingu. Já trúi því hver sem vill, ég og Kúkkí erum í softball liðinu, hvernig ætli sá leikur virki ? Er þetta ekki einhverskonar kíló með kylfum eða hvað.........
Við fórum sem sagt ekki á æfinguna enda myndum við vonandi vita út á hvað þetta gengi ef við hefðum gert það, það var nefnilega rigning og það réðum við ekki við. Fórum frekar og sprikluðum aðeins í ræktinn eða fórum í gufu, gufa er líka líkamsrækt ekki sagt.
Í gærkvöldi kveikti Oscar svo upp í arninum og við sátum í stofunni, drukkum kaffi og spáðum í spil. Um spádómana verður lítið sagt en það er ljóst að ég á mér ekkert lif ekkert fólk eða ferðalög í mínum spilum haldið þið að það sé púkó.

Annars er staðan 1-1 í baráttu Oscars og áttfætlinganna, einni tókst nefnilega að blikka hann í gær svo hann bar hana út á örmum sér hin var með kjaft og fékk því að kenna á því.

posted by Big Bird a.k.a. BB 10:17 f.h.

þriðjudagur, apríl 01, 2003

 

Við ákváðum í gær að gerast menningarleg og fara á Nordisk film festval. Það áttu víst að sýna tvær heimildamyndir, eina danska og aðra norska. Sú norska varð fyrir valinu einfaldlega því hún var sýnd seinna. Þegar við vorum komin á staðinn var okkur hinsvegar tilkynnt að norska myndin hafi ekki borist en í staðin væri sýnd finnsk mynd. Það sem við vorum komin á staðin og í menningar hug ákváðum við að láta slag standa og kíkja á finnsku myndina.
Því líkt og annað eins.............. eftir á að hyggja var ekkert skrítið að kynnirinn hafi ekki getað mælt með myndinni heldur lét okkur það alveg eftir að dæma hana. Ég held sveim mér þá að bæði leikstjórinn og handritshöfundurinn hafi verið á ansi góðu sýru trippi allan vinnslutíman og sjálfsagt lengur. Annars held ég að samferða félagar mínir, Kúkkí, Oscar og Ragnhildur séu betri til frásagnar enda gat ég ekki einu sinni haldið mér vakandi allan tíma. Svo var Kúkkí eitthvað að reyna að halda því fram að hún hafi eitthvað skilið í þessu rulgi, ég stór efa að nokkur maður hafi gert það.
En soundtrakið var ''æðislegt'', teknó og euróvision tónlist að ógleymdu '' don't turn around now because you are not welcome any more'' laginu á finnsku !!!

posted by Big Bird a.k.a. BB 10:13 f.h.

sunnudagur, mars 30, 2003

 

Örstutt hlé var gert á uppfærslum á Sesamestræti sökum ferðalaga. Ég er búin að vera á flakki og í tölvu fríi alla vikuna, já ef þið hafið ekki fengið nein svör við tölvupóstum undanfarið er það sennilega vegna þess að þið hafið ekki spurt um neitt eða ég hefi bara ekki séð póstinn ennþá. Það er alveg ferlega notalegt að taka sér svona tölvufrí annaðslagið.

Ég hef nú sjálfsagt ekki þolinmæði til þess að skrifa langa ferðasögu enda ennþá ólíklegra að nokkur maður nenni að lesa hana. En ég ætla þó að skrifa nokkur orð.

Á sunnudaginn fór ég ásamt Oscari á ráðstefnu til New Orleans. Þótt við hefðum bara lagt tvö af stað týndum við upp kunnuleg andlit á flugvöllum hér og þar svo við vorum orðin fimm þegar við tékkuðum okkur inn á lítið og sætt hótel í franska hverfinu í New Orleans.
New Orleans er að mörguleiti skemmtilegur staður, fullt að skemmtilegum litlum kaffihúsum og Jazz börum. Þótt Louisian sé eflaust alltof heit og rök á sumrin er bara mátulega heitt þarna í mars, svona stuttermabolsveður. Alveg passlega heitt til þess að sitja út sölum á kvöldin, horfa á mannlífið og spila en full kalt fyrir áttfættlingana.

Ég ætla nú ekki að útlista ráðstefnuna í smáatriðum enda held ég að fæstir þeir sem þetta lesa hafi mikinn áhuga á því, eitt langar mig þó að minnast á, ráðstefnuhúsið. Ég held að byggingin hafi verið að minnsta kosti tvær blokkir, það tók mann svona 10-15 að ganga frá einum enda í annan. Víðir gangar og langir svo ekki sást milli enda og liturinn rauður. Það var ekki laust við að mann langaði að taka á sprett inn ganginn líkt og krakkar gera þegar þau koma inni í stóran íþróttasal. Hverjum dettur eiginlega í huga að hafa svona byggingu rauða ?
Annars vorum við ekki lengi að afla okkur upplýsinga um það sem maður á að gera í New Orleans: skoða kirkjugarðana sem er stór merkilegt fyrirbrigði, jazz á Mable leaf og The spooted cat, Bourbon street (þar sem þeir taka upp girls go on wild (þetta er svona og ég sem hélt að stelpunar gerðu þetta bara fyrir myndavélaranar????)) .......og fleira. Tíminn var vel nýttur, vaknað snemma og sofnað seint/snemma.
Við komum svo heim aftur á aðfara nótt föstudags, full af fróðleik og nýjum hugmyndum. Ég hef nú löngum verið mikið flökku dýr og skellti mér því á föstudags eftirmiðdag til Vancouver með Kúkkí og Miss Tampa. Bara svona rétt yfir helgina til þess að versla og nýta síðustu dagana í spring break. Kúkkí hafði verið áður í Vancouver og var því strax í upphafi kosinn farastjóri. Kannski eins fallegt því það er ansi hætt við því að við værum ennþá á tölti einhverstaðar hefði ég séð um að velja áttirnar.
Nú eru bara örfáir klukkutímar eftir af Spring break og þar sem maður afrekað að vinna ekki neitt held ég að ég fari bara að taka uppúr töskunum og kíki svo á Íslenska drauminn í kvöld á skandinavísku kvikmynda hátíðinni. Maður verður náttúrulega að láta sjá sig fyrst þetta er íslensk mynd er það ekki ???

posted by Big Bird a.k.a. BB 5:04 e.h.