föstudagur, febrúar 07, 2003

 

eg fer i friid, eg fer i friid.................... ja ja tad er sjalfskipad fri um helgina hja Kukki og BB, vid erum loksins ad fara ad sja Kyrrahafid!!!!!!!! Einhvern vegin helt eg alltaf ad eg myndi sja Kyrrahafid i fyrsta sin a bikini og med solaraburd a likamanum en svo er vist ekki. Eg sit her i dunulpunni minni og med ullarpeysuna i bakpokanum, ja tad er vist ekki sol og steikjandi hiti herna er vid latum okkur hafa tad. Kannski vid tokum bara logreglumanna staelinn a tad og skellum okkur i sjo-sund i koldum sjonum, ja vid erum nu einu sinni VIKINGARNIR, teir sem eftir voru i Noregi og Svitjod voru bara hraedslu pukar og Faereyingar eru sjoveikir vikingar, af tessu leidir, vid Islendingar erum VIKINGARNIR.

Godar stundir

posted by Big Bird a.k.a. BB 5:47 e.h.

 

Föstudagur og kaffið í morgun var vel sterkt, allaveg á ég erfit með að sitja kyrr. Nú er heppilegt að hafa tvö skrifborð og lab svo maður getur með góðri sannvisku fengið útrás með því að hlaupa á milli staða.
Um helgina á svo að halda út úr bænum svo það er engin ástæða til þess að panica þó við skrifum ekki hér, svörum ekki pósti eða símtölum.....
Annars er það helsti ókosturinn við svona síður að pósti og símtölum fækkar tilfinnanlega en þó ekki alveg. Takk fyrir það.

posted by Big Bird a.k.a. BB 10:10 f.h.

fimmtudagur, febrúar 06, 2003

 

Þegar ég kom hingað fyrst og var eitthvað að leita eftir góðum ráðum í skvassinu var þetta svarið " squash is a game of exhaustion". Já trikkið er sem sagt að spila þar til andstæðingurinn er algerlega uppgefinn, svo er bara að vona að hann verði það á undan þér. Það reyndi sem sagt á þetta i gær, þó svo ég beytti öllum mínum viljastyrk og reyndi að leiða hjá mér blóðbragðið í munninum og það að fæturnir neituðu að bregðast við, þá varð ég að játa mig sigraða. Sem betur var andstæðingurinn í svipuðu ástandi svo stigin fóru mér í hag en líðanin minnti um of á þegar gerð var atlaga af píp-test metinu í MS. Munurinn var þó sá að metið stóð óhaggað, ég komst ekki einu sinni nærri en hvað um það.
Eftir átökin og langar legur i gufunni komst ég við illan leik upp i HUB, ( HUB er eiginilega svona stúdenta heimili hérna og til þess að komast þangað frá íþróttahúsinu þarf að klífa ansi margar tröppur ). Þar var bíó sýning eins og alla miðvikudaga, að þessu sinni var verið að sýna the Comedian ( með Seinfield) og Bowling for Colmbian ( eða eitthvað í þá áttina). Því miður missti ég af fyrri myndinni þar sem ég var í skvassi en síðari myndina sjá ég. Þetta er heimildamynd um byssueign í bandríkjunum og reynir að svara þeirri spurnginu hvers vegna svona miklu fleiri skotarásir eru í bandríkjunum miðað við önnur loend með álíka byssueign. Að mörgu leiti mjög áhugaverð mynd.
Á meðan ég lék mér í skvassi og horfi á bíó var Kúkkí að hjálpa heimilislausum ungmennum sem búa á götum Seattle. Hún fer ásamt örðum læknum/hjúkrunarnemum á bíl út í hverfin þar sem ungmennin halda sig og bjóða þeim læknis þjónustu.
Já svona er misjafnt hvernig maður ver tíma sínum.......kannski maður ætti að íhuga það aðeins en ég bara kann ekkert í þessum geira. Kannski gæti ég fengið að klippa plástur einhverstaðar ? En ætli ég verð ekki bara að láta nægja að klappa félögum mínum á öxlina þegar þeir þurfa á að halda.

posted by Big Bird a.k.a. BB 10:44 f.h.

þriðjudagur, febrúar 04, 2003

 

Svona eiga þriðjudagar að vera !! Vöknuðum extra snemma í morgun og tókst raunar að komast út úr húsi áður en smiðirnir hófu morgunverki það er að vekja okkur. Ástæða þessa voru þó af ólíkum upprunna, Kúkkí þurfti að mæta í tíma og átti því engra kosta völ, Oscar var bara svo uppfullur af orku og gat ekki beðið að komast í skólan og ég ætlaði að skila bestu niðurstöðum allar tíma á græjurnar mínar.
Það að ég best veit tókst öllum ætlunar verk sitt nema mér.......engar niðurstöður í dag. Og ég sem var svo sannfærð um að ég væri að gera allt rétt, það dugði bara ekki til. Það var því pínu svekkjandi að vera búin að rífa sig upp fyrir allar aldir til þess að fá niðurstöður og svo gerist ekki neitt. Það stækkaði heldur ekkert brosið þegar rafhlöðurnar í geislaspilaranum kláruðust og suðið í dælum kom í stað Portishead. En það reddaðist allt, fundurinn var nefnilega felldur niður og allt í einu átti ég fullt af tíma til þess að skoða útreikningana mína og gera heimadæmin fyrir morgun daginn, svona getur lífið leikið við mann.
Siðdegis í dag var ég svo boðuð á annan fund og vissi ég nú fátt meira en stað- og tímasetningu ég var samt nokkuð örugg um að ég þyrfti ekki mikið að tjá mig á þeirri samkomu... allavega ekki formlega. Klukkan varð fimm og ég var mætt stundvíslega ( já það getur gerst...), fullt herbergi af gradute nemum, stæður af pizzum og fullur ísskápur af bjór. Notalegt að geta setið bara og spjallað pínu yfir miðjan daginn, en nú bíða hinsvegar heimadæmin.

posted by Big Bird a.k.a. BB 6:47 e.h.

mánudagur, febrúar 03, 2003

 

Það verður víst ekki hjá því komist í þessu tímatali okkar að hafa mánudag að minnsta kosti vikulega. Eins og helgin var nú yndisleg.
Þar sem Kúkkí brá sér út úr bænum fórum við hin og fögnuðum nýju ári í kínahverfinu. Fengum okkur meðal annars kínverska kleinuhringi sem eru af stærð og lögun áþekkir kókóskúlum úr bakaríum heima. Þeir eiga hinsvegar fátt annað skylt með kókóskúlum og hefðbundum amerískum kleinu hringjum nema vera skildi sú staðreynd að þeir innihalda 1000 kcal. Það þarf því ekkert að spyrja hvernig þeir braðgast, að sjálfsögðu eru þeir æðislega góðir svona fyrst maður má ekki borða mikið af þeim.......
En helgin er v'ist að baki og mánudagur runnin upp. Smiðirnir í nýbyggunni á móti tóku daginn snemma og byrjuðu að undirbúa steypu um 7:30, allavega var ekki svefnfriður fyrir þeim eftir þann tíma. Það var náttúrulega extra skemmtilegt fyrir Kúkkí sem mátti tæknilega sofa út. Þó svo að smiðirnir hafi vissulega vakið mig sá ég enga ástæðu til þess að vera að fara eitthvað fyrr fram úr en vanalega, ég held sveim mér þá að Lobos yrði bara hálfskelkaður ef hann sæi mig almennilega vaknaða einhvern morgun þegar hann sækir mig.
Mér tókst svo með mikilli lagni að hella kaffi yfir mig á leiðinni í skólan sem er engin leikur þegar þú ert með lokaðan bolla. Já mér er margt til lista lagt. Það var samt alveg spurning hvort var meira svekkjandi að hafa fengið kaffi yfir sig alla eða sú staðreynd að það var töluvert minna í bollanum mínum og þetta var MORGUN kaffið mitt. Svei mér þá ég held stundum að ég ætti að hætta að drekka kaffi ?
Jæja, mánudagskvass á eftir, ekki veitir af eftir kínversku kleinuhringina ; )

posted by Big Bird a.k.a. BB 5:00 e.h.

sunnudagur, febrúar 02, 2003

 

Já nú er þessi helgi á enda komin og við ekki búin að skrifa neitt undanfarið. Þetta bara gengur ekki svona áfram hjá okkur. Ætli sé ekki best að setja dagsektir á þetta hjá okkur?

Helgin er búin að vera í rólegri kantinum enn og aftur, við fórum ekki í partý né á barinn, ætli það sé ekki aldurinn? Við bara erum ekki eins fersk og við vorum á yngri árum þegar við gátum dansað fram undir morgun og víluðum ekki fyrir okkur að enda djammið í morgunmat á BSÍ. Jamm, það er af sem áður var!! Reyndar þurfti ég að vera mætt í skólann kl 7 á laugardagsmorguninn og var BB svo mikill höfðingi að bjóðast til að skutla mér á staðinn. Ég verð að segja að mig rekur ekki minni til þess að hafa nokkurn tíman á mínum 27 árum vaknað svona snemma á laugardagsmorgni, frekar hefur það verið þannig að ég hef ekki verið sofnuð ;o) En málið er að ég er í kúrs sem fjallar um heilbrigðisþjónustu í dreifbýli og þennan laugardag var vettvangsferð. Förinni var heitið í 10.000 manna bæ sem heitir Port Townsend og er á Ólympíuskaganum hér í Washington fylki (kíkið hér til að fá upplýsingar um bæinn eða Skagann). Dagurinn var yndislegur, sól og blíðskaparveður og bærinn skartaði sínu fegursta. Ég læt ykkur eftir að skoða þetta allt nánar.

Í dag erum við nú búin að hangsa mest megnis. Reyndar voru gerð hvílík innkaup að annað eins hefur ekki sést í langan tíma. Minnir mig einna helst á tímana í kringum 1982 þegar ég fór í matarinnkaupinn fyrir jólin með ömmu. Það hefði mátt halda að matarbúðir yrðu ekki opnaðar aftur fyrr en í febrúar, slík voru innkaup hennar þá. Sem sagt, miðað við matarkaup okkar í dag mætti álykta að matvöruverslanir yrðu lokaðar fram í miðjan Júní, hihihihihi, já gestir skulu ekki koma að tómum kofanum í Sesame stræti, það er á hreinu, hins vegar gætu þeir lent í því að fá smá heimaræktað sýklalyf með matnum. En eins og sagt var í sveitinni: það hefur nú enginn dáði af því enn!!!

Við héldum svo upp á glæstan árangur STRÁKANNA OKKAR með því að elda gúllas með MIKILLI kartöflustöppu, uuuummmmmm hvað stappan var góð, nú erum við helst á því að hafa stöppu í hvert mál og gúllas með á sunnudögum.

Flestir vita að ég er stödd hérna í Seattle til að læra meira um allar þær geðraskanir sem geta hrjáð mannkynið og hef ég hingað til staðist það að tjá mig um námið í skriftum mínum hér. Ég ætla ekkert að tjá mig en býð þeim sem forvitnir eru að smella hér því öll þurfum við að stunda geðrækt jafnt sem líkamsrækt.

Góðar stundir

posted by Big Bird a.k.a. BB 9:00 e.h.