laugardagur, janúar 11, 2003

 

Humm, hvað á ég nú að segja hér á þessari heimasíðu? Ég hef ekki skrifa neitt hér síðan á Aðfangadag og hef ég fengið nokkurt skítkast vegna þess en ,,mér er sama, ég geri það sem ég vil". Það var frekar skrítið að koma heim i Strætið á mánudagskvöld og eftir því sem liðið hefur á vikuna velti ég því fyrir mér hvort ég hafi í raun farið til Íslands yfir jólin. Ég er nokkurn vegin komin inn í sömu rútínu og fyrir áramót, vakna, læra, fara í skólann með strætó tvisvar í viku, spila Settlers einu sinni í viku og horfa á sjónvarpið á fimmtudögum. Kannski ég hafi bara sofnað svona hrikalega fast og dreymt ykkur öll og þær snilldar stundir sem við áttum um jólin. En ef svo er, á ég þá ekki enn inni jólapakkana frá ykkur? humm, ég held þad bara og legg til að þið sendið þá sem fyrst til min hingað í Strætið.

Að endingu vil ég leggja til við lesendur okkar að þeir aðstoði okkur við nafnaleit svipað og gert var í haust. Þannig er nú mál með vexti að nú eru komnir tveir nýjir íbúar í Strætið og vantar okkur nöfn á þá til að hægt sé að geta þeirra í framtíðarskrifum. Ef þið eruð ekki búin að átta ykkur þá eru nafnareglurnar einfaldar: Strætisbúar verða að heita Sesame street nafni en þeir sem þangað visitera fá úthlutað úr nafnabanka Nafnanefndar Strætisins. Málið er einfalt: tveir piltar, einhverjar tillögur?

Þar til næst, Góðar stundir

posted by Big Bird a.k.a. BB 2:14 e.h.

fimmtudagur, janúar 09, 2003

 

Hvað haldið þið að þessir yndislegu dagskrár stjórar á NBC gerðu, þeir höfðu hlé á frumsýningum á fimmtudagsþáttunum akkúrat meðan við skruppum heim, eru þeir ekki sætir ? Ég veit að það er nú frekar sorglegt en þetta var eiginilega hápunktur dagsins, kannski ég ætti að horfa meira á sjónvarp ?? Þetta var sem sagt mest megnis skiptilykla dagur, það er hlaupa um allt lab að leita að lyklum sem passa, hvenær er tímabært að vera komin með þó ekki væri nema agnar lítla tilfinningu fyrir incum ? Þegar ég hugsa mig vel um man ég þó eftir að hafa afrekað smá, jamm mér tókst að gleyma eimingar græjunni í gangi enn einu sinni. Þannig er nefnilega málum háttað að við þurfum að eima ósköpin öll af vatni, svona eins og 15-20 lítra í senn (hvað sem það er í gallonum). Þetta er frekar hægur "prosess", svona eins og 3 dropar á 10 sec um það bil. Það vill því henda bestu menn og mig að gleyma þessu, pabbi/afi okkar allar á labinu tók þó eftir þessu áður er við þurftum vaðstíflvél innan dyra. Ég fékk nú samt aðeins að æfa mig í heimilisfræðinni...........bara gaman af því.
Annars er ný innanskólakeppni að hefjast, að þessu sinni er ætlunin að kenna könum körfubolta. Við höfum reyndar beðist undan því að all mikilli hörku en sjáum hvað setur, það kæmi nú ekki óvart að við myndur sýna hæfni okkar þegar líður á misserið.

posted by Big Bird a.k.a. BB 11:46 e.h.

miðvikudagur, janúar 08, 2003

 

Settlers i gær var bara snilld, framistaða okkar kerlanna var harla misjöfn þo. Eigum vihd ekki bara að segja að kúkkí vildi ekki þyggja mína hjálpa við að slá blettinn, hún var sannfærð um að það myndi tefja fyrir komu riddarans........kjaftæði segi ég bara, maður býr nú yfir margra ára reynslu af heyskap.

posted by Big Bird a.k.a. BB 12:08 e.h.

þriðjudagur, janúar 07, 2003

 

Nú er víst komin tími til þess að standa við stóru orðin, við erum mættar til Seattle aftur. Ferðin hingað gekk bara vel, að sjálfsögðu var seinkun í keflavík (mér hefur aldrei tekist að mæta á réttum tíma hingað ég er soddan sauður). Flugmaður hefur sennilega verið af suðurnesjum enda kunni hann vel að nota vélaraflið sem hann hafði, nóg til þess að við náðum tengingunni og komust hingað a réttum tíma.
Hér er nú flest eins og það var þegar við fórum, skóli i allan dag og svo er Settlers i kvöld, haldið'ið það sé ekki fínt ????

posted by Big Bird a.k.a. BB 6:27 e.h.