föstudagur, desember 27, 2002

 

Svona eru jólin, svona eru jólin, svona eru jólin lalalalala
Svarti kisi hefur ekki fengist til þess að skrifa eitt einasta orð og eitthvað erum við nú latar í fíflaganginum svona í sínhvoru lagi, allavega latar við að birta hann á netinu. Ég hef hinsvegar lokið við hluta verkefna minna og er það mikill léttir, það er alltaf leiðinlegt að hafa eitthvað svona "græ" hangandi yfir sér. Nú á bara eftir að prenta herlegheitin út, væri það ekki heppilegt ef prentarinn virkaði, hvað finnst ykkur ? Ég er búin að reyna þessi helstu trik, skipta um blekhlyki, slökkva og kveika, bölva og ragna og meira að segja sparka en ekkert gengur. Næst er náttúrulega að hringja í Oddberg frænda og sjá hvor hann eigi ekki prentara sem virkar, það er þó allavega trikk sem hefur gefist vel í gegnum árin.
Annars fóru jólin bara vel fram, ég er búin að gera bróðir minn og móður algerlega sjúk í settlers sem þýðir náttúrulega að pabbi þarf að læra það líka, einhver verður að taka við af mér þegar ég fer. Svo hefur þetta bara verið bókalestur og kósí heit, versta að maður hefur ekkert komist í að lesa annað en "methanól fræði" en maður er víst áhugamaður um það. Það er sem sagt stefnan næstu daga að láta fara vel um sig og kynna sér heim skáldsagna og þá sér í lagi heim nýgefina íslenskra skáldverka, mælið þið með einhverjur sérstöku ???

posted by Big Bird a.k.a. BB 8:24 f.h.

þriðjudagur, desember 24, 2002

 

Gleðileg Jól allir saman!!!!!

posted by Big Bird a.k.a. BB 8:45 f.h.

sunnudagur, desember 22, 2002

 

Þetta var merkisdagur í dag, BB kom í fyrsta skipti í Smáralind þegar einhverjar verlsanir eru opnar en því miður voru það ansi margir aðrir sem hefðu fengið þessa snjöllu hugmynd, furðulegt. Það sem einna helst vakti athygli mína var að í mörgum verlsunar voru föt sem maður hefði alveg getað hugsað sér að eiga og jafnvel ganga í. Það er eitthvað sem maður er löngu hættur að taka sem sjálfsagðan hlut. Hitt var hinsvegar verra að ég sjá mjög fljótlega að flíspeysa, útivistar úpla og gamlar gallabuxur er ekki viðeigandi klæðnaður í verlsunar miðstöð á Íslandi. Ég vissi það raunar fyrir en ég var bara búin að gleyma hversu hriklega óviðeigandi það var, ég beið bara eftir því að afgreiðslu fólkið myndi ávarpa mig á ensku eða annari framandi tungu.
Þetta voru þá alls engar ýkjur þegar við sögðum könunum að Íslendingar myndu sjá eins og skot að þeir væru útlendingar. Það kom mér hinsvegar á óvart hvað tískan er einsleit, það er alltaf verið að tala um að allt sé leyfilegt...já örugglega en það eru ekki margir að þreifa fyrir sér utan helstu strauma. Flíspeysu lið, einsog ég virðist vera orðið, vitum hinsvegar greinilega ekkert hvernig við eigum að vera, telst það til einhverra tískustrauma ???
Já það verður seint sagt um þessa þjóð að hún sé illa klædd, allaveg ekki sá hluti hennar sem streymir í verslunarmiðstöðvarnar rétt fyrir jól.

posted by Big Bird a.k.a. BB 7:55 e.h.