fimmtudagur, ágúst 04, 2005

 

Jæja já, kannski að ég skrifi eitthvað smá hérna. Komin tími til að verðlauna dygga lesendur með nokkrum orðum. Eitthvað var ég að vafra um og skoða hlekkina hérna vinstra megin á síðunni og gladdi það mig mjög að sjá að aðrir eru ekki duglegir að skrifa um þessar mundir. Heheh já ég gleðst yfir eymd annarra því þá er mín eigin eymd réttlætanlegri. En allavega það er sumar og þá er mest um að vera og ætti setja inn frásagnir í gríð og erg en þá bara nenni mar´í ekki.

Heheheh er þetta ekki nógu mikið að bull inngangi og mál til komið að koma sér að efninu. Efni dagsins JÓGA. Já það hefur kannski farið framhjá flestum en ég byrjaði í jóga á síðasta kvarteri og verð ég að þakka BB alfarið fyrir það. Jú lengi hefur mig langað til að drífa mig í jóga, eða alveg síðan elskulegur frændi minn byrjaði að stunda jóga hjá Gúrú-Guðjóni á Íslandi. En aldrei kom ég mér að efninu. BB hefur oft þurft að þola mér taut um jóga svo einn daginn bara keypti hún klísturmottur og sagði mér að velja fyrir okkur jógatíma í háskólaíþróttamiðstöðinni. Hehehhehe....fyrsti tíminn var ógleymanlegur og hvarflaði að mér að jógakennarinn hefði yfirnáttúrulega hæfileik eða notaði töfrabrögð til að koma sér í stöðurnar. En núna, 5 mánuðum eftir að ég byrjaði er ég komin á þá skoðun að engi brögð séu í tafli. Nei þótt síður sé, þetta er bara spurning um ástundun og að fara alltaf ögn lengra en maður heldur að maður getur.

Tökum eitt dæmi, á þriðjudaginn áttum við að æfa okkur í að standa á höndum og ég fussaði og sveiaði í huganum og sagði við sjálfa mig: "ég hef aldrei getað staðið á höndum" svo ég bara settist á klísturmottuna mína og horfði á hina sparka fótunum fíflalega upp í loftið án mikils árangurs. Kennarinn gekk á milli og náði að toga 2 einstaklinga upp í handstöðu upp við spegilinn. Great! Í tímanum í dag bað hún okkur í upphafi tímans að ákveða hvað við ætluðum að einbeita okkur að í æfingum dagsins og nefndi hún nokkra möguleika. Ég ákvað að hlusta á hana og einbeita mér að halda stöðunum aðeins lengur en áður og leggja aðeins meira á mig en áður. Humm við vorum hálfnuð með æfingu dagsins þegar hún sagði okkur að fara að speglinum og reyna að sparka fótunum upp til að standa á höndum. Shit....ég fór strax að hugsa: "ég get það ekki" en rétt náði að stoppa mig af og hugsa: "jú ég get það á endanum ef ég æfi mig". Svo ég fór að sparka fótunum upp í loft eins og fáviti en komst ekki hálfa leið að speglinum. Kennarinn kom til mín og sagði: "would you like to do a handstand?". hehehe var það ekki það sem ég var að reyna? Ég leit á hana og reyndi að útskýra að ég væri svo lofthrædd að ég gæti ekki snúið á hvolfi. Hún horfði á mig og þóttist ekkert skilja og til að komast hjá vandræðum sagði ég "yes I like to try". Nú hún gerði sér lítið fyrir, lét mig sparka upp í loft og togaði fæturnar að speglinum :Þ Yeeessss, ég stóð á höndum....og það var ekki nærrum því eins erfitt og í leikfimi í gamla daga. Ég brosti, dróg andann 5 sinnum og fór svo niður. Kennarinn brosti og sagði: "you did it, you did a handstand".

Já þannig að jógaæfingin í dag kenndi mér að það eina sem heldur aftur af því að maður nái árangri er maður sjálfur. Svo málið er að sleppa tökunum og notast við Nike slagorðið: Just do it!

Þar til næst, ég hvet þig til að láta slag standa í vikunni og prófa að gera eitthvað sem þú heldur að þú getir ekki gert.

posted by Big Bird a.k.a. BB 10:03 e.h.