föstudagur, maí 21, 2004

 

hey hó jibbý jei og jibbýjó jei það er komin föstudagur.
Ég kom heim af ráðstefnunni á miðvikudagskvöld og hef haft í nógu að snúast síðan. Ráðstefnan gekk vel og var eins og flestar ráðstefnur held ég, fyrirlestrar frá morgni til kvölds sumir mjög áhugaverðir en aðrir töluvert minna áhugaverðir.
Þetta gekk allt prýðis vel, ég fékk að útskýra veggspjaldið mitt oft og mörgu sinnum og er að komast á þá skoðuna að kannski sé ekkert verra að flytja fyrirlestur, þá þarf maður þó bara að útskýra þetta einu sinni.
Ferðin yfir landamærin gekk greiðlega fyrir sig í báðar áttir og ég þurfti hvorki að gefa fingraför né sitja fyrir á myndum. jibbý!!!!

Gærdagurinn var einn af þessum dögum þar sem hlutirnir ganga bara ekki upp. Ég byrjaði á því að eima vatn í 20 litra vatnskút, þetta er frekar seinlegt verk þar sem eimingin gefur af sér um það bil 10 dropa á mínútu. Þetta er svo ennþá seinlegra ef þú gleymir að skrúfa fyrir kranan á kútnum sem þú ert að eima í. Gólfið á labbinum var því þrifið uppúr eimuðu vatni í gær.
Annars er lukkan að það er farið að hlýna í veðri hér því ég lét mér ekki nægja að eima vatn út um öll gólf heldur tókst mér á einhvern yfirnáttúrulegan hátt að demba fyllu glassi af klaka vatni í fangið á mér í hádeginu. Sem betur fer þurfti ég að ganga töluverðan spöl til þess að komast í skólan svo fötin þornuðu á leiðinni.

Það er óskandi að ég hafi nú þegar tekið út klaufaskapinn fyrir daginn í dag því ég er að fara í próf seinni partinn.
læri læri læri......

posted by Big Bird a.k.a. BB 10:18 f.h.

miðvikudagur, maí 19, 2004

 

Jæja þá er best að skrifa aðeins hérna svo að það líði ekki vika á milli skrifa hjá okkur. Alltaf gott að hafa einhver markmið í lífinu :Þ

Fyrst langar mig að benda ykkur á að fara inn á heimasíðu Gunnsu og Steina (hlekkur hér til vinstri). Ég datt þar inn í gær og las þarf fréttina um Árna Johnsen, að hann hefði verið endurskipaður í stjórn RARIK. Já já ég veit að fólk á skilið annað tækifæri í lífinu en samt verð ég að segja að mér finnst þetta aðeins of mikið.

Af Strætis búum er það að frétta að BB fór til Vancouver á sunnudaginn með veggspjald til að kynna tilraunir sínar á voðalega fínni ráðstefnu sem þar var haldin. Hún er líklega í þessum skrifuðu orðum á leiðinni heim í gegnum landamærin og vonum við að hún verði ekki stoppuð ;o) Við Oscar höfum bara verið að læra/vinna og ætla ég ekki að ergja ykkur með að fara út í nánari lýsingar á því.

Hins vegar brá ég mér í bíó í gærkveldi og sá Epic myndina Troy. Þetta er hin besta afþreyingarmynd. Ég ætla ekki að skemma myndina fyrir ykkur en langar samt til að biðja ykkur að hafa Víkinga í huga ef og þegar þið farið að sjá myndina. Ég er ekki frá því að Akkíles hagi sér að Víkingasið.....drepa og hefna eru hans einkunnar orð. Jamm hann minnti mig bara á okkar elskulegu hetjur, Egil og alla hina drápsóðu Víkingana. Og svona svo að mín skoðun komi fram þá stal "Hektor" myndinni frá Prad Pitt en þessi mynd átti greinilega að gera fyrir Pittarann það sem Braveheart gerði fyrir Gibbarann. En Eric Bana kom, sá, dó en sigraði samt...líklega á sá sigur samt bara við um hylli kvenna sem eru í bíó...en sá sigur er líka sætur :Þ

well....af stað í skólann.....óver and out.
verið glöð og elskið lífið!

posted by Big Bird a.k.a. BB 12:58 e.h.