sunnudagur, desember 14, 2003

 

Jólin koma, jólin koma.....prófin eru búin og við komin í sannkallað jólaskap. Á neðri hæðinni er verið að þeyta rjóma í toblernon ís og vöfflur og í dag á bara að pakka niður, taka móti gestum og njóta þess að vera til.

Á föstudaginn settumst við Kúkkí niður og spiluðum öll kjánalegu spilinn sem ég spilaði sem krakki, spilakvöldið endaði svo með æsi spennandi kleppara og þvílíku hláturskasti, TAKK Kúkkí, ég hef ekki grátið af hlátri í mörg ár :-)
Við kláruðum jólainnkaupin í gær og enduðum daginn á langri heimsókn í bókabúðina. Ég gæti auðveldlega eytt heillum degi bara í bókabúðinni, sitjandi upp við vegg að glugga í bækur. Mig langaði svei mér þá að kaupa alla búðina, fullt af bargin tilboðum á flottum bókum en það væri sjalfsagt ekkert bargin ef ég keypti það allt er það ?

Brosum og hlægjum og syngjum ef þannig liggur á okkur. Í öllu jólastressu er auðvelt að gleyma því sem í raun er mikilvægast okkur sjálfum og þeim sem okkur finnst vænst um.
Eitt gott hláturskast er að ég held efst á mínum óskalista í ár, loksins varð rafmagnsbílabrautin sem alltaf var efst á listanum að víkja. Já ég var stórfurðulegur krakki og ég er það sjálfsagt enn.

posted by Big Bird a.k.a. BB 12:53 e.h.

föstudagur, desember 12, 2003

 

Jæja þá er þessi fjórðungur í skólanum á enda. Við BB tókum lokapróf í dag og fer engum sögum af því enn hvernig gekk.........tja maður veit aldrei hvernig kennararnir ákveða að gefa fyrir. Auðvitað er þetta allt saman rétt hjá okkur þó að kennarinn átti sig ekki endilega á því en þar sem við verðum að lúta valdi þeirra þá sættum við okkur við þeirra ófullkomleika og tökum þeirri einkun sem að höndum ber. Í tilefni dagsins brugðum við okkur við 4 mann niður í miðbæ Seattle borgar á sushi hlaðborð. Tja já ég veit, ég hef hingað til ekki verið innstillt á slíkar veitingar en ég fékkst til að smakka og þar með er ekki aftur snúið. Það eina sem ég sé eftir er allt sushi-ið sem ég hefði geta verið búin að borða..............já maður skal aldrei vera svo mikil gunga að smakka ekki nýjunga, maður gæti verið að missa af nýja uppáhalds rétti sínum.

Hvað ætlum við svo að gera við þessa tvo daga sem eftir eru þar til við leggjum í hann á klakann? Jú þessari spurningu er auðvelt að svara. Við munum þeytast um Seattle borg og kaupa varning fyrir fjölskyldu og vini á Íslandi. Þau hafa öll augastað á plássinu sem mun vera í koffortum okkar á leið heim. Svei mér þá ef ég fer ekki bara að halda að það sé innflutningsbann í gangi á Íslandi og allar búðir þar séu tómar...........getur það verið?
Bara litið sýnishorn af því sem við berum heim fyrir fólkið: stuttermaboli, lyklaspennur, digitalupptökuvél, peysur og ítalska jólaköku......og svo má lengi telja. Ætli við verðum ekki bara á náttfötunum á aðfangadag þar sem ekkert pláss verður eftir fyrir jólafötin okkar og svo bara kaupum við tannburstann í Bónus...hihihihi.

þar til næst
Góðar Stundir

posted by Big Bird a.k.a. BB 4:43 e.h.

fimmtudagur, desember 11, 2003

 

Við námsmennirnir lifum eins og kóngar (var þetta ekki örugglega undanteking á ng reglunni ?) með kaffinu í gær fengum við okkur nýbakaða Krispy cream kleinuhringi....ummmmm. Að sjálfsögðu ekki færri en 12 enda víst ekki hægt að kaupa smærri einingar. Þennan munað áttum við svo sannarlega skilið enda við stúlkurnar í prófum og Oscar að kenna og snúast kringum okkur.

það styttist því í jólaskapið, því samkvæmt minni skilgreiningu að minnsta kosti hefst jólaundirbúningur þegar próflestri er lokið. Hvað ætli séu eiginilega mörg ár í það að ég sé ekki í jólaprófum ? Þessu velti ég stundum fyrir mér en hef ekkert svar við því er það ekki pínu eilífarstúdentalegt eða hvað...

posted by Big Bird a.k.a. BB 9:56 f.h.

þriðjudagur, desember 09, 2003

 

Það er þvílíkt letikast í gangi núna. Ég varð mér út um smá argon fyrir helgina en tókst náttúrulega að klúðra tilraununum samt. Ég var frekar fúl yfir því svo ég hef ekkert farið inn á lab í dag og er að hugsa um að láta það eiga sig. Á morgun segir sá lati, ekki satt.
Annars var helgin fín, mikið unnið en líka aðeins brugðið sér út á lífið á laugardagskvöldinu. Nýju Radfordarnir, Ingvar og Armin hinn þýski leiddu hópinn um furðuveröld Fermount....eða vorum það við sem leiddum þau ???
Ónefnur vinurinn minn benti mér þá þetta:

''the students handbook states quite clearly that preparation (or procrastination) should take 4 weeks, and actual work should be started the night before''

vildi bara benda ykkur sem eruð (eigið) að læra fyrir próf að í raun hafið þið nógan tíma.

posted by Big Bird a.k.a. BB 12:55 e.h.