föstudagur, nóvember 14, 2003

 

Hvað gerir maður ekki til að fresta því að þurfa að takast á við verkefnin sín í skólanum? Jú......maður sörfar netið í örvæntingafullri tilraun til að finna eitthvað áhugavert sem hægt er að réttlæta að eyða tímanum í. Og í þetta sinn verð ég að segja að það tókst með eindæmum vel og langar mig rétt aðeins að deilda því með ykkur sem ég fann í þetta sinn.

Í gegnum blöggsíður fólks sem ég var að skoða komst ég inn á opinbera heimasíður Lord of the Rings myndanna og ekki varð ég vonsvikin af þvi að vafra þar um. Ég var 18 ára þegar ég kynntist þessum snilldarbókum og á ég það allt að þakka enskukennslu í MR. Síðan þá hef ég lesið þríþáttunginn næstum hvert ár og alltaf notið þess út í ystu æsar. Þegar ég frétti af því að verið væri að gera myndir upp úr bókunum runnu á mig tvær grímur. Jú það er nú oft þannig að Hollywood nær ekki að gera nærrum því eins vel og ímyndunarafl mannanna og því var ég ekki viss um að ég vildi láta skemma fyrir mér kvikmynd míns eigin huga. Hvað ef að persónurnar í myndinni væru ekki í samræmi við það sem hugur minn hafði búið til? Hvað ef að myndinar myndu ekki fjalla um það sem ég taldi vera lykilatriði í sögunni? Eftir af hafa séð trailerinn úr Fellowship of the ring í desember 2001 ákvað ég samt að slá til og fara í bíó. Úff ég man enn eftir tilfinningarrússíbananum sem ég fór í þegar ég loks sá fyrstu myndina. Ég var orðlaus þegar yfir lauk (sem er afar sjaldgæft í mínu tilfelli) og langaði að snúa samstundis við og fara aftur á myndina. Ekki var Two Towers síðri, nei nema síður sé og núna bíð ég í ofvæni eftir að sjá þriðju og síðustu myndina í þessari þríliðu. Ég brá mér inn á fyrr nefnda heimasíðu og horfði á trailerinn fyrir Return of the King og meennnnn, nú get ég ekki beðið eftir að desember gangi í garð. Ætli ég eigi ekki eftir að horfa nokkrum sinnum á þennan trailer áður en yfir lýkur............ef að þið eruð jafn spennt og ég þá mæli ég með að þið linið þjáningar ykkar og kíkið á sýnishornið......svo er það bara að vera fyrstur í röðinni að kaupa miðann hvenær sem frumsýningin verður.

"We cannot achieve victory through strengths of arms" Aragon replies: "Not for ourselfs, but we can give Frodo a chance"

Góðar stundir

posted by Big Bird a.k.a. BB 11:51 f.h.

miðvikudagur, nóvember 12, 2003

 

Ég vil byrja á því að þakka Oscari fyrir að koma sterkur inn sem staðgengill í skrifum hér á Sesame stræti. Það er gott að vita af því að við höfum back-up ef að eitthvað stendur á skrifunum hjá okkur.

Þannig er að við BB erum búnar að vera á ferð og flugi síðan á miðvikudaginn í síðustu viku og ekki sér fyrir endann á þeim ferðalögum alveg strax hjá BB. Ég kom aftur í Sesame stræti seint á sunnudagskvöld og síðan þá hef ég verið að vinna að mastersrannsóknaráætlun minni sem er að verða endalaust verkefni. Mér líður eins og langhlaupara en sem betur fer er farið að eyja í endamarkið. Púff........ég get ekki mikið meira sko. En þar sem að þetta er alveg að taka enda ætla ég að verðlauna mig smá og hugleiða hér, svona rétt áður en ég stekk í umræðutíma.

Ég hef verið hér í US við nám í geðfræðum í rúmt ár og verð ég að segja í hverjum einasta kúrsi sem ég hef tekið hefur verið fjallað um þann mismun sem er milli menningarheima og hvernig best er að bera sig að því að vera Culturaly appropriate í allri framkomu. Með því að þurfa að vera stöðugt að skoða sjálfan mig og samskipti mín við skjólstæðinga hef ég komist að því að Vikingagenið mitt er mjög sterkt og ræður flestum mínum viðbrögðum.

úpss.....tíminn rann út, ég verð að hætta að hugleiða og rjúka í tíma.
Góðar stundir

posted by Big Bird a.k.a. BB 2:51 e.h.