föstudagur, ágúst 08, 2003

 

Það er komið fram undir hádegi á föstudegi og nettur helgar/ferðar fílingur í mér. Við erum að fara í ''river rafting'' til Oregon. Það er ansi margt sem á að sanna í þessari ferð. Í fyrsta lagi það að við Kúkkí séum frá náttúrunar hendi afburða flúðasiglinga konur, í öðru lagi að bílinn okkar fer létt með að bruna til Oregon og vonandi tilbaka og í þriðja lagi að við getum ekki bara tekið myndir á nýju stafrænu mynavélina heldur líka sett þær á netið.
Við stúlkurnar eigum því mikið verk fyrir höndum og ekki seinna vænna en fara að gera eitthvað í því. Hver vill hvort eð er vinna eftir hádegi á föstudögum ? Ekki ég, ekki ég, ekki ég ( smá stílfæring á pick me pick me asnanum úr Shrek ).

Svo fyrir þá fjölmörgu sem hugðust hringa/koma í heimsókn til okkar um helgina, þá verðum við því miður ekki viðlátnar en Oscar mun taka vel á móti gestum.

posted by Big Bird a.k.a. BB 11:14 f.h.

fimmtudagur, ágúst 07, 2003

 

Myndir var víst The Pianoist ekki Piano en þær eiga það þó sameiginilegt að vera mikið drama og bera titil tengdan píanói. Ég veit að það er nánst óafsakanlegt að rulga þessum myndum saman en svona er ég bara stundum.
Í gær var pakkadagur, fedex mætti með öll góðu kaupin sem við Kúkkí vorum að gera á netinu. Mér leið eins og litlu barni á jólunum að opna alla kassana þó svo innst inni vissi ég nákvæmlega hvað var í þeim og líka að ég borgaði víst fyrir þá.
Ég er þá loksins búin að eignast stafrænamyndvél. Það ætti náttúrulega að leið til þess að fleiri myndir kæmu á síðuna en ég þekki sjálfan mig of vel til þess að lofa þvi.
En ég lofa að reyna að vera dugleg.......

posted by Big Bird a.k.a. BB 3:42 e.h.

þriðjudagur, ágúst 05, 2003

 

Það styttist óðum í plómu uppskeruna og er það sjálfsagt það eina sem er fréttnæmt úr Sesamestræti. Það er nú frekar dapurt því uppskeran er ekki einu sinni tilbúin, þvílík ,,gúrkutíð''.
Við lyftum þó höfðinu örlítið uppúr bókunum til þess að horfa á kvikmyndina Piano, átakanleg mynd alveg átta á He..., Richter.
Í kvöld ætla ég svo að draga Oscar með mér á Finding Nemo, sem aðdáandi teiknimynda get ég varla verið þekkt fyrir að sjá hana ekki. Ég held að ég sé að reyna að vinna upp ,,teiknamyndaleysið'' í æsku. Ég hafði sjaldan eirð í mér til þess að horfa á teiknimyndir á ensku enda skildi ég ekki ensku og textinn var alltof hraður fyrir lestra hesta eins og mig. Ég var náttúrulega ekki með Stöð 2 enda nánast orðin of mikil gelgja fyrir teiknimyndirnar þegar morgunsjónvarp barnanna kom til sögurnnar. En betra er seint en aldrei, í kvöld fer ég með hinum börnum í bíó að sjá Nemo veiiiiiiiiiii

posted by Big Bird a.k.a. BB 2:15 e.h.