sunnudagur, maí 18, 2003

 

Það hlaut að koma að því að við færum á djamm.
Laugardagurinn fór róglega af stað, ég og Kúkkí höfðum boðið okkur fram í að svara spurningum bandaríkskranema sem voru á leið til Íslands, ýmist í nokkrar vikur eða heilt ár. Að loknu því spurningarflóði vorum við enn sannfærðari en áður um að kanarnir eru klikk.
Umræðan snérist mest megnis um verðlag og áfengi. Menn ræddu sín á milli hvernig smylga mætti áfengi og hversu mikinn mat og þá aðallega Raman nudels menn ætluðu að taka með sér. Við reyndum að benda þeim á að Raman nudels og ýmislegt annað matarkyns væri til á Íslandi og að fyrir tveggja vikna dvöl í Reykjavík myndi tollurinn sjálfsagt duga meðal kananum. Svo er líka hægt að fara í ÁTVR. Spurningar um stúdenta afslætti og slíkt komu ekki mikið á óvart en meira þó sá misskilningur karlmanns milli tritugs og fertugs að hann gæti fengið Íslendinga til þess að bjóða sér í glas ef hann talaði um Ísland við þá. Hann verður sjálfsagt fyrir vonbrigðum þegar hann kemst að því að Íslendingar eru almennt ekkert sérstaklega gjafmildir á vín.

Eftir að hafa skipað könunum að fara í sundlaugarnar og á hestbak fórum við að búa okkur undir partý helgarinnar. Evgenía átti nefnilega afmæli og boð til heljarinnar grillveislu að því tilefni. Þar var glatt á hjalla eins og jafnan þegar Íslendingar koma saman. Árni mætti með gítarinn og Sofía var búin að taka saman söngtexta svo það var ekki tekið sem gildi afsökun að kunna ekki textana. Eftir að hafa sungið um blá skugga, beljurnar á bjarnastöðum, ljóman og fleira var haldið í Scan house. Einhverra hlutavegna virðast partý oft enda þar þó svo upphaflega partýið hafi verið í hinum enda bæjarins.
Gleðin í scan house endist fram undir morgun eins og svo oft áður svo við vorum rétt sofnuð þegar tími var komin á sólbað.
Það er komið sumar, sól í heiði skýn..........

sólbrennd og sæt erum við svo sest fyrir framan tölvurnar og nú á víst að gera eitthvað í vinnutapinu frá í gærkvöld.

posted by Big Bird a.k.a. BB 5:06 e.h.

föstudagur, maí 16, 2003

 

Nú er ég alveg hætt að skilja. Ég vaknaði í morgun um það bil 5 mínútum áður en Lóbós kom að sækja mig og náði því að slá út eldra met í sturtu hraða. Það met átti ég að sjálfsögðu sjálf enda verð ég seint sökuð um að vera mjög árrisinn nema að brýnni nauðsyn. Oscar er hinsvegar farinn að þekkja sitt heima fólk og vissi að það myndi sjálfsagt vekja mikla lukku að hella uppá kaffi þennan morgun. Ég held svei mér þá að ég hefði ekki komist niður stigan í morgun ef ekki hefði verið fyrir kaffi ilminn sem tók á móti mér.
Ástæðan fyrir þessum geysi mikla ferskleika er í fysta lagi sá að ég er með harðsperrur dauðans. Ég lét gabba mig í skvass á miðvikudaginn og þar sem ég vildi náttúrulega ekki hætt fyrr en ég væri yfir og andstæðingurinn mun betri en ég tók þetta um það bil 2 tíma. Ég var því gersamlega útkeyrð þegar ég fór að sjá Matrix.....ég bara varð að koma því að !!!!!
Það var bara ekkert föstudagsskap í gangi í morgun heldur, frekar svona miðvikudagur. Sennilega er það bara óskhyggja, miðvikudagar eru nefnilega svo skemmtilegri. Væri ekki hægt að sameinast um það að hafa bara miðvikudag í dag svo við græðum öll tvo daga ?

Það fær allavega mitt atkvæði.

posted by Big Bird a.k.a. BB 1:22 e.h.

miðvikudagur, maí 14, 2003

 

Halló allir saman!!!!
Ég var að vafra á netinu áðan, jamm bara að eyða tímanum þar til ég fer að sjá Matrix reloaded og ég brá mér inn á geðræktarheimasíðuna. Já ég bara hreinlega verð að setja hér á síðuna heilræði þeirra fyrir vikuna......humm er það ritstuldur?

Geðkorn vikunnar: Reyndu að sjá skoplegu hliðina á málunum
Það er mikilvægt að taka sig ekki of hátíðlega og vera fær um að sjá skoplegu hliðina á sjálfum sér. Að geta hlegið af sjálfum sér getur komið í veg fyrir að við gerum of mikið úr smámálum. Hafðu húmor fyrir sjálfum þér en gættu jafnframt að því að gera ekki grín að öðrum.

Góðar skoplegar stundir

posted by Big Bird a.k.a. BB 7:15 e.h.

 

Það eru komnar fleiri nýjar myndir !!!
Það mætti jafnvel halda að ég nennti ekki að gera heimadæmin mín fyrir morgundagin : )

posted by Big Bird a.k.a. BB 12:14 f.h.

þriðjudagur, maí 13, 2003

 

Ýmsir hafa veitt herraklippingu Oscars athygli ( fyrir þá sem aldrei sáu hið marg um rædda tagl er bent á eldri myndir á þessari síðu eða persónulega síðu Oscars. Svo fræg er þessi klipping orðin að aðrir blöggar hafa gert hana að umræðuefni, það gerði allavega Danmerkur búinn Sammi.
Við Kúkkí höfðum hinsvegar ekki farið í klippingu nýlega enda getur það verið mjög áhættu samt hér í landi. Margur hefur farið illa út úr viðskiptum sínum við misfærar hárgreiðsludömur hér. Mín fyrsta reynsla endaði til dæmis með sítt að aftan, vel blásna vængi og púffaðan topp...............já það var stórglæsilegt, minnti einna helst á Leiðarljós eða húsmæður úr hjólhýsahverfum ''Kentöký''. Það var því mitt fyrsta verk þegar ég kom heim til Íslands að láta kippa því í lag, nánast hvert hár á hausnum fékk að fjúka í þeirri björgunaraðgerð. Þar sem oft líða margir mánuðir milli ferða til Íslands verður maður víst að spila með í þessu klippihappdrætti, allavega virðist Oscar hafa fundið stað vænlegan til vinnings svo það er aldrei að vita nema maður taki áhættuna áður en maður hættir alveg að sjá út.

posted by Big Bird a.k.a. BB 4:44 e.h.

mánudagur, maí 12, 2003

 

Það eru komnar nýjar myndir.......segið svo að maður vinni ekki best undir pressu ; )

posted by Big Bird a.k.a. BB 10:22 f.h.