laugardagur, apríl 12, 2003

 

Það eru komnar nýjar myndir, því miður er engin mynd af klippingunni hans Oscar en það er allt í vinnslu.
Í gær fórum við að sjá Stomps sem er alveg frábær sýning, á eftir fórum við svo í Scan house partý.
Einsog við var að búast var troðið út úr dyrum og góð stemmning fram undir morgun. Við erum svona smátt og smátt að kynna skandinavíska skemmtanamenningu fyrir þeim könum sem við teljum vera móttækilegir. Í gær var það hugrakkur Texas búi sem skellti sér með okkur. Ég held að við höfum rétt verið komin einn hring í gengum húsið þegar hann tilkynnti að við værum brjáluð og vinir okkar væru það líka.
Hann skemmti sér stórvel held ég bara brosti í marga hringi allan tíman þótt hann kynni ekki de var brennivin i flasken né væri sérstaklega hrifin af hvannarrótarvíninu. Strákgreyið svaf reyndar yfir sig í morgun enda ekki vanur svona löngum vökum held ég. Það verður spennandi að sjá svipin á honum á mánudaginn hvort hann er komin yfir menningar sjokkið.
Scan house partý eru sem sagt bara partý sem standa töluvert lengur en miðnætti og í stað þess að fara í bæinn að dansa er bara dansað í stofunni enda loka flestir staðir klukkan 2.

Annars hringdi kunningja kona mín í mig í dag sem eru nú ekki mikil tíðindi svo sem en hún hafði eitthvað ruglast á símanúmerum og hringdi óvart í gamal númerið okkar Oscars af Capital Hill. Ungur piltur svaraði, viðkunnalegur og kurteis: "Gay news"

posted by Big Bird a.k.a. BB 10:22 e.h.

fimmtudagur, apríl 10, 2003

 

Sonic´s unnu í gær og það þrátt fyrir að við værum á leiknum. Kannski fylgist ég bara ekki nógu vel með boltanum en ég var allaveg ekki búin að taka eftir þessum Kevin Garret ! Sveim mér þá... ég held að hann hafi spilað körfubolta einhverntíman áður ??
Ég er loksins búin að komast því hvað softball er, eins og ég hélt er þetta svona kíló afleiða eða hafnarbolti. Ég hef nú oft séð þá slá boltann yfir girðinguna með þessum kylfum í bíó en skil ekkert í því hversvegna boltinn fer vart 2 metar þegar ég slæ hann ??? Ég er öllu öflugari í að hlaupa í hafnir enda var það líka í kíló í breiðholtinu hérna í denn en ég verð víst að slá boltanna til þess að mega hlaupa : (
Ætti ég kannski að æfa mig eða bara halda áfram að slá boltanna í tærnar á mér ??

posted by Big Bird a.k.a. BB 5:11 e.h.

mánudagur, apríl 07, 2003

 

Þá er aftur komin mánudagur og helgin hefur liðið allt og hratt. Loksins er skýrslan mín búin svo ég get farið að gera eitthvað að viti. Annars kom hingað bekkjabróðri minn áðan og var að spyrja mig út í lífrænaefnafræði, hann ætlaði að fara að synthesa einhverjar huges fjölliður og hélt að það væri nú ekki mikið mál. Stráksi hefur samt aldrei refluxað hvað þá annað en ég lofaði að vera honum innan handar ef hann ákveddi nú að stinga sér til sunds. Ég verð að viðurkenna að mig klæjaði pínu í fingurnar þegar ég var að reyna að útskýra fyrir honum NMR róf, hvernig ætti að útbúa sýni, taka róf og lesa þau og svo framvegis....

Annars var helgin að mörguleiti eftirminnileg, ég vann reyndar allan föstudaginn og mest allan laugardaginn, skrópaðu á softball æfingu en tók frí á sunnudaginn í staðinn. Sunnudagurinn var náttúrulega afmælisdagur Oscars. Strákurinn fór í afmælis klippingu á föstudaginn sem er svo sem ekki í frásögn færandi nema fyrir þær sakir að þar fékk að fjúka rúmalega tíu ára gamalt tagl, já stráksi er stuttuklipptur og svo fínn.

Annars hófst sunnudagurinn á þessari líku stórkostlegu formúlu, eitthvað voru Kúkkí og Oscar að barma sér yfir slöku gengi rauðu bílana en ég hef sjaldan grátið þegar schummi dettur úr keppni hehehe. Ég var því fljótlega gerð brottræk úr stofunni og fór þá bara fram í eldhús að baka amerískar pönnukökur svona rétt til þess að róa lýðinn. Þegar flestir voru búnir að jafna sig eftir formúluna var haldið í dýragarðinni að skoða týgrisdýra ungana. ( Það eru ungar er það ekki, allavega segir ensk íslenska orðabókin það en ég sel það ekki dýrar en ég keypti það.)
Því miður komst Ragga ekki okkur en hún skokkaði yfir til okkar til þess að horfa á formúluna. Eftir að hafa heilsað upp á fíla, fálka, týrisdýr og rætt framistöðu Webbers við Jagurarinn var skundað heim í súkkulaði köku. Þetta eru náttúrulega snillingar sem ég bý með, súkkulaðikaka með sunnudagskaffinu skreytt með harebo hlaup bangsum. Kvöldinu eyddum við svo fyrir framan arinn að spjalla, lesa og spila svo södd eftir kjúklingaréttinn sem við útbjuggum í kvöldmat að við gátum ekki einu sinni borðar ísinn sem var ætlaður í eftirmat, pælið í því. Í kvöld er svo von á fyrsta gestinum í Sesamestreet, nú er spurning hvort marg rómuð gestristni sesamebúa sé bara tómur rógburður eða kannski bara svolítið mikið ýktur ?????

posted by Big Bird a.k.a. BB 3:58 e.h.