sunnudagur, mars 09, 2003

 

party party party, já í gær var sem sagt partý, ekki hjá okkur hérna í Sesamestreet heldur hjá líf-verkfræðingi (bioengineering) sem við kynnstum fyrir tilviljun. Við höfum nú komið þarna áður svo við vissum nokk við hverju var að búast. Síðast þegar við fórum var nefnilega hrekkjavökupartý og við þær einu sem mættum ekki í búningum. Í þetta sinn var hinsvegar ekki skylda að vera í búningum en það var allt í lagi ef fólk kaus svo eða eins og það var orðað í boðskortinu: ''Should I wear a costume? Absolutely. Even though there is no fixed theme, you are encouraged to wear something outlandish. Some costume advice: As a general rule, costumes that make it difficult (for the wearer) to eat, drink, or dance are fun for everybody but the person(s) wearing the costume. So unless you're feeling altruistic, I'd suggest not renting that two-person horse costume. ,,

Við létum að nú alveg vera að mæta í búningum en það gerðu ekki allir, flottastur var þó skákgaurinn í skotapilsinu. Ég held að það hafi nefnilega ekki átt að vera búningur heldur tilraun til þess að vera í töffari. Skotapils, dökkur bolur og keðja um hálsinn.............hljómar eins og rokkari en var samt meira svona skáktöffari sem er hið besta mál. (Það hefði komið sér vel að vera með digital myndavél til þess að styðja þessa klaufalegu lýsingu hehehehe). Allaveg tókum við eftir honum ????
Partýið var sem sagt hins besta skemmtun, fullt af athyglisverðu fólki til þess að tala við og í stofunni var myndað dansgólf svo engin ástæða var til þess að fara neitt í bæinn.
Núna erum við hinsvegar byrjað að lesa, Nora Jones í tölvunni til þess að gefa tóninn og svo er bara að pikka frá sér allt vit, er það ekki það sem allt skólatengt gengur út á þessa dagana?

posted by Big Bird a.k.a. BB 1:33 e.h.

föstudagur, mars 07, 2003

 

Humm, það er nú engin álíka stríðssaga sem ég hef að segja í dag eins og síðast en ég mun samt reyna að segja eitthvað hér.

Dagurinn í gær var fyrir marga hluti merkilegur í lífi litla hjúkrunar-practitioner nemans. Jú jú nema hvað, ég átti að mæta kl 14.45 og hitta ,,leikna'' sjúklinginn minn og taka hann í viðtal eins og hann væri að koma til alvöru heimilislæknis, þ.m.t. var að taka við hann ítarlegt viðtal og svo fylgja því eftir með vandamála-miðaðri læknisskoðun. Stelpan mætti á staðinn, til í tuskið með nýja nafnspjaldið nælt í barminn. Kennarinn kom fram og rétti mér möppu með smá upplýsingum um sjúklinginn og svo bætti hún því við að hún væri íslensk eins og ég. Mennn, hvað heimurinn er lítill og engin furða þó að bara 270 þúsund Íslendingar séu á Íslandi, hinir eru út um allan heim og maður skyldi alltaf passa sig að tala ekki illa um neinn á íslensku þó maður haldi að hann skilji ekki neitt. Enginn veit hvað annar skilur (rosa djúpt maður).
En sem sagt, ég varð að framkvæma þetta allt á ensku þar sem að viðtalið var tekið upp á segulband svo kennarinn geti metið frammistöðuna, en ég verð að segja að ,,íslenski'' leikarinn stóð sig frábærlega en ég hefði geta gert betur í mínu hlutverki. Jamm, mér varð nú aðeins um þetta allt saman, en ekkert í líkingu við ástandið á þiðjudaginn þó. Við spölluðum svo saman eftir viðtalið og að sið Íslendinga í útlöndum reyndum við að finna út hvort við þekktum eitthvað til ættar hvorrar annarrar eða gætum rakið þær saman. Humm, við erum allavega ekki skyldar í fjórða ættlið en lengra komumst við ekki vegna tímans og munum halda áfram ættfræðinni við betra tækifæri.

Hins vegar er þetta svona venjulegur föstudagur hjá okkur í Sesame stræti, fara í skólann (sumir alla vega) vinna í akkorði svo við getum átt sem mest af helginni fría til að skoða heiminn og allt sem hann hefur upp á að bjóða.........

Við látum ykkur vita nánar um framvindu mála um helgina en þar til þá....
Góðar stundir

posted by Big Bird a.k.a. BB 5:40 e.h.

miðvikudagur, mars 05, 2003

 

Það skal tekið fram að þeir sem viðkvæmir eru ættu ekki að lesa lengra en hingað, ef þið gerið það þá er það á ykkar eigin ábyrgð!!

Jæja þá erfiða verkefnið sem ég var að bíða eftir alla þessa önn búið. Já ég hef þurft að gera ýmislegt um daga mína sem hjúkka en þetta slær öll met. Þannig er að námið sem ég er í felur í sér að læra um mannslíkamann frá A til Ö, hvaða sjúkdómar geta hrjáð hann og þar með talið líkamlega. Ég hef einstaklega gaman af því að sinna öllu því sem viðkemur geðinu en er minna áhugasöm um líkamann, segjum bara að það sé ekki ,,minn tebolli´´ en sem sagt í gær var komið að því að ég læri að skoða og meta kjallara-vandamál fólks (búin að kvíða því alla önnina). Framkvæmdin var þannig að við (Nurse Practitioner nemarnir) mættum kl 19 á læknastofu til að skoða lifandi módel. Já fólk virkilega býður sig fram til að leyfa öðrum að þreifa fyrir legi, eggjastokkum, eistnalyppum og blöðruhálskirtli. Ég var með hnút í maganum allan tíman og héld á stundum að ég kæmist ekki lifandi í gegnum þetta. Ég meina það!!!! Einhvern vegin var ég með það stimplað í hugann að fólkið sem ég ætti að skoða væri mér miklu eldra en þegar ég kom inn á stofuna til að framkvæma karlmannsskoðunina þá snérist ég næstum því á hæl og út aftur. Já þar inni var ungur strákur og þó mér leiðist að segja það var hann örugglega yngri en ég.... og ég bara gat ekki sagt orð við piltinn.....afar ólíkt mér að verða orðlaus. Peewww en einhvern vegin komst ég í gegnum þetta á lífi og er við komum út sagði leiðbeinandinn minn: take a deep breath... Og ég vona og veit að þetta á ég aldrei eftir að gera aftur. Ég komst heim við illan leik og sagði sögu mína, Oscar benti á að þarna væri ég líklegast komin með eina ,,stríðssögu´´ sem ég gæti skemmt mér við að segja nemunum mínum frá er fram í sækir.... æji á svona mómenti þegar einhver þér reyndari segir: já ég man nú þegar ég gerði þetta fyrst, þá........... ja allvega hef ég eitthvað að segja þá. En sem sagt, þessi þröskuldur er yfirstíginn og verður aldrei farið til baka yfir hann, það er ljóst....

Góðar stundir

posted by Big Bird a.k.a. BB 11:48 f.h.

mánudagur, mars 03, 2003

 

Bara að láta vita að það var BB sem skrifaði það sem á undan var ritað, ég er bara að pósta það fyrir hana þar sem blospottið vildi ekki pósta skrif hennar í gær. Svo þetta á að vera: posted by BB en ekki Kúkkí monster.

Góðar stundir

posted by Big Bird a.k.a. BB 12:07 e.h.

 

Helgin er liðinn og við höfum bara ekkert skrifað, frekar slöpp framistaða það. Annars var ýmislegt gert um helgina, á föstudaginn fór ég (BB) með væntanlegum fyrsta árs nema í siglingu á Lake Washington og sjá meðan allars hvar Bill Gates býr, ekki myndi ég vilja gera helgar þrifin á því heimili skal ég segja ykkur. Því miður get ég ekki talið upp mikið að tölfræðinni sem fylgdi siglunni fram hjá híbýlum greifans enda flest i frekar annarlegum einingum sem ég ber lítið skynbragð á. Þó hryllt mig við tilhugsuninni um allt dralsið sem gæti safnast saman í bílageymslunni hjá honum. Nóg finnst nú flestum um einföldu bílskúrana sem eru fullir af pappa kössum og hlutum sem verða nýttir seinna en skúrinn hans tekur 47 bíla......pælið í því.

Laugardagurinn fór svo mest allur í kaffihúsa og búðarráp enda sólskin og vor í lofti. Á laugardagskvöldið hittist svo hinn merki félagskapur, Glaðar nálar heima hjá Evgeníu. Borðuðum æðislegan mat og töluðum um heima og geyma. Það er alltaf gaman þegar sá hópur kemur saman.
Í dag er svo verið að vinna í öllu því sem hefði átt að gera á föstudagskvöld og laugardag, er það ekki oftast þannig ? Annars var ég búin að búa til alveg heillangt blögg í huganum áður en ég settist niður. Fyrst ætlaði ég náttúrulega að benda á nýju myndinar sem við vorum að fá úr framköllun bæði frá Oceon Shores ferðinni og þjóðkynningunni. Þá komst ég náttúrulega að því að við erum víst komin yfir kvótann á síðunni sem geymir myndirnar, ég meina 8 MB yfir.....hvað er það???
Eitthvað gengur svo brösulega að setja upp alveg nýja síðu innan þeirra tímamarka sem ég hafði sett mér. Það verður því lítið úr þessu langa blöggi sem ég ætlaði að skrifa til þess að bæta upp fyrir letina um helgina. Eiginlega alveg búin að fá nóg af Bill Gates og félögum í bili en stefni þó það því að setja myndirnar inn fljótlega.

posted by Big Bird a.k.a. BB 12:05 e.h.