sunnudagur, febrúar 23, 2003

 

Þá er Konudagurinn runninn upp og Oscar stendur sig með sóma og heldur heiðri karlanna á lofti hér í Strætinu. Hann stóð í ströngu í gærkvöldi við að baka súkkulaðiköku sem verður framreidd í kaffinu í dag og svo fann hann fyrsta þáttinn af Bráðavaktinni á einhverri myndbandaleigu hér í borg. Hvað meira getur maður óskað sér á Konudaginn?.... Hehemm, tæknilega séð er ég þó enn á því að ég sé ekki orðin kona, ég er þeirra skoðunar að umbreyting úr rugludalli í Konu gerist einungis við barnsburð og því fell ég enn undir þá skilgreiningu að vera Rugludallur.....svo Konudagurinn ætti ekki að vera neitt öðru vísi en aðrir dagar en ég stelst....Enginn getur staðist fyrsta þátt Bráðavaktarinnar!!! Enginn segi ég ;)

Það bar til tíðinda í gærkvöldi hjá okkur í Sesame Stræti... jú jú við ákváðum að til þess að Oscar geti talist fullgildur íbúi í Strætinu þyrfti hann að komast í gengum þá þraut að lifa af eitt af okkar alræmdu kojufylleríum. BB og Kúkkí skruppu í búðina og það var svona vor í lofti og Förum-einn-í-bæinn fílingur svo út komum við úr búðinni með tvær flöskur af rauðvíni á tilboði. Svo komum við heim, lituðum hárið að vanda og fórum að strumpa....... Og eftir það fórum við í fínu fötin og svo út að strumpa. Heim komum við undir morgun, í mismunandi ástandi....segi ekki meira....nei ekki þó þú grátbiðjir.

Í dag er sólskin og yndislegur dagur svo við erum farin út.....
Góðar stundir

posted by Big Bird a.k.a. BB 12:41 e.h.

föstudagur, febrúar 21, 2003

 

Eitt hef ég verið að hugsa mikið um undafarið, já það vill svo til að helmingur íbúanna hér í strætinu er undir meðallagi í cm talið og hefur það ekki háð okkur hingað til. Hins vegar finnst mér ótrúlegt hvað er hægt að misreikna þessa litlu hæð sem við þó höfum. Sem dæmi um það má nefna að í gegnum árin hefur mér tekist með eindæmum oft að reka mig uppundir og utan í hluti. Það er bara eins og ég sé ekki enn búin þroska með mér stöðu-rúm-skynið og ekki batnar þetta með árunum nema síður sé. Og í gær var enn einn dagurinn sem sannaði þennan misþroska hjá mér. Ég bókstaflega rak mig í alla dyrastafi, missti allt úr höndunum og til að kóróna frammistöðu mína henti ég um koll skál sem brotnaði í þúsund mola. Ég komst við illan leik heim í Strætið um kl 19 og sá mér þann kost vænstan að koma mér fyrir í sófanum og hreyfa mig ekki þaðan til að komast hjá frekari áföllum, og það tókst. Ég rak mig ekki í neitt í gærkvöldi, þá er bara að krossa fingur og vona að svoleiðis verði ástandið á næstunni.

Til að sanna kenningu mína enn frekar um hæðarvöntun okkar og vandamál sem því fylgja ætla ég að segja sögu af BB. Það bar til um þessar mundir að BB fékk mikilmennskubrálæði og samþykkti að keppa í körfubolta með samstúdentum sínum. Ekki veit ég hvað henni gekk til en á völlin var hún mætt á miðvikudagskvöldið og til í tuskið. Leikurinn gekk vanalega fyrir sig framan af og BB hjólp fram og aftur um völlinn. Svo bar til tíðinda í einni sókninni, jú Lobos var líka að keppa og hann stökk upp, náði boltanum og lenti, hann fann fyrir einhverri ójöfnu á gólfinu en skeytti því engu og hljóp í sókn. Eftir stóð BB á öðrum fæti, bölvandi og ragnandi á íslensku og hélt um stóru tánna. Hvað hafði gert?? Jú í lendingunni lenti Lobos á stóru tá BB. Hún harkaði af sér það sem eftir var leiks en þegar að var gáð var tánöglin orðin græn og stóratáin dofin. Kenningin sem af þessu má dragar er: Körfubolti er ekki fyrir dverga, við verðum bara undir í þeim leik, og það í bókstaflegri merkingu!!!!!
Þess ber þó að BB er óðum að jafna sig og táin að koma til.

Dvergar!! stöndum saman í veröld risanna
Góðar stundir

posted by Big Bird a.k.a. BB 1:53 e.h.

fimmtudagur, febrúar 20, 2003

 

Humm,nu er eitthvad i gangi. Eg aetladi ad tekka a faeslunum her og ta var allt i felum sem ritad var i gaer. Undarlegt!!!

posted by Big Bird a.k.a. BB 4:04 e.h.

miðvikudagur, febrúar 19, 2003

 

úff þau eru ofalin hjá mér þessi grey sem með mér búa. Já hvað gerði ég ekki fyrir þau í kvöld, haldið þið ekki bara að mjólkurgrauturinn hafi verið tilbúinn þegar liðið bar að garði. Jamm það er bara ekkert minna, raunar var það bara Oscar sem kom heim í matinn en BB lætur ekkert á sér kræla. Humm, hvernig er þetta góða!! áttu ekki að láta vita af þér?

posted by Big Bird a.k.a. BB 9:17 e.h.

 

Hehemm, það er nú víst svo að þegar maður er búin að vera að leika sér af lífið og sál í einhvern tíma bankar raunveruleikinn upp á og heimtar að sér verið hleypt inn. Þannig er dagurinn minn búinn að vera í dag. Já ég setti allt námið á hakann og skemmti mér í ermalausum bol á Miami en í morgun spýtti ég í lófana og hófst handa við upplesturinn. Mér varð nú að orði við BB í gærkveldi að ég: ,,þyrfti bara að læra alla næstu helgi !!!!! '' , BB glotti bara og sagði: þú ert nú búin að vera að leika þér siðustu tvær og þar með fékk ég á baukinn. Dagurinn hefur sem sagt farið í lesefnisleit á netinu og verð ég að segja að það er með eindæmum leiðinlegt og hrikalega tímafrekt. Auk þess sem það er sssvvoooo erfitt að hafa MSN-ið opið og fylgjast með öllum logga sig inn og ég hef ekki tíma til að tala, verð bara að vera away allan daginn.

En ég stalst til að tala smá við nokkra og kom það m.a. í ljós að frændi minn er í óða önn að skipuleggja ferð til Seattle, ég varaði mig ekki er hann spurði hversu lengi hann mætti vera og svaraði um hæl að hann mætti vera eins lengi og hann vildi. Það er nú hins vegar trendið í ættinni að fólk breytist snarlega í húsatu......... svo það gæti endað með því að hann færi hvergi, hihihihi, nei nei smá grín svona til að losna við pirringinn eftir alla lesefnisleitina. Maður á alltaf að skemmta sér á kostnað annarra, íha. Auðvitað er hann velkominn og ég tala nú ekki um ef hann kemur með nýja gítarinn sinn, kannski ég reyni bara að prómóta fyrir hann og koma honum að á Crocodile Cafe og hver veit nema Vedderinn taki lagið með honum þar. Jú hann er alltaf að troða þar upp óvænt annars lagið, ég er hér í vöggunni ef einhver er búinn að gleyma því að við búum í heimabæ gr.........

Góðar stundir

posted by Big Bird a.k.a. BB 5:54 e.h.

 

Kúkkí er komin heim að því tilefni var haldin mikill fögnuður í Sesamestræti..........já trúi því hver sem vill en það var pizza og alles í kvöldmat.
Annars afrekaði ég það, einsog því miður stundum áður, að gleyma að mæta í tíma. Það var þetta með dagana, ég var alveg sannfærð um að það væri miðvikudagur og þar af leiðandi bara tími í hádeginu. Ég ákvað svo að sleppa hádegistímanum því hann er hvort eð er á netinu bara svona til þess að nýta tímanna betur. Ég áttaði mig svo á mistökum mínum þegar félagi minn á labbinu koma hlaupandi inn..fórst þú ekki heldur í tíma, hummmm furðuleg spurning frá einhverjum sem er ekki með mér í miðvikudagstímum.. úppppppps
Já svona getur maður nú verið snjall, kannski það að fara á hinn vikulega þriðjudagsfund hefði átt að kveikja ljós, en það var náttúrulega þriggja daga helgi og tímatalið því ögn aflagað.
Ég mundi nú samt eftir Halldóru systir sem átti afmæli í dag.
Annars langar mig mest að ræða aðeins lokaþáttinn í Joe millioner en ég vil helst ekki gera Lilju það. Hún er mikill áhugamaður um raunveruleika sjónvarp eða hvað það nú kallast, maður veit aldrei, kannski hana langi að fylgjast með þessum þáttum ef þeir koma heim. Eru þeir kannski komnir heim ?
Annars sá ég bara þennan eina og er stolt af því. Ég horfi orðið mjög lítið á sjónvarp enda ekkert á þessum tæplega 70 stöðvum sem við erum með. Svo eru stöðvarnar svo margar og dagskráin þannig að það er vonlaust að fylgjast með nokkrum hlut. Sjónvarpsgláp er því nánast algerlega takmarkað við fimmtudag og ef þættirnir eru ekki á NBC á fimmtudagskvöldum þá eru hverfandi líkur á að ég sjái þá.
Það er þó einn þáttur sem mig langa að sjá, það er American idol 2. Þetta er söngvakeppni með þremur dómurum og þar af einum sem hefur það hlutverk að vera hreinskilinn og harður.
Það er hinsvegar þátturinn sem ber yfirskriftina, þeir bestu af þeim verstu ( eða eitthvað í þá áttina) sem kitlar mig. Það er sem sagt búið að taka saman framistöðu þeirra sem gerðu sig af algeru fífli......þeim fengu þó hluta af því sem þeir vildu, athylgi og kannski pínu frægð.

posted by Big Bird a.k.a. BB 12:28 f.h.

mánudagur, febrúar 17, 2003

 

Getur einhver hjálpað mér ?????
Ég er búin að raula fyrir munni mér sama lagið í allan dag og hef ekki hugmynd hvers vegna. Það væri svo sem allt í lagi ef lagið væri skemmtilegt og að ég kynni meira en eina línu í því en svo er víst ekki. Hvernig getur þetta gerst ?

'' Það er vor í lofti og vindur hvín ........'' sungið af Pálma,

já þetta hef ég þurft að þola í ALLAN dag. Ætli geðhjúkkur kunni ráð við svona löguðu eða kannski er bara ekkert sem getur komið manni til bjargar.
Annars er bara búið að vera geggjað að gera, öll verkefnin að falla á tíma á sama tíma og einsog svo oft áður allt á síðustu stundu. Hvernær verður maður nógu skipulagður til þess að hafa þetta allt tilbúið tímanlega, sjálfsagt aldrei.
Maður veit bara alltof vel af gefinni reynslu að hlutirnir hafa tilhneigingu til þess að reddast og ég vona að svo verði í þetta skipti líka.
jæja kaffipása í uppsiglingu, maður verður að halda sér vakandi svo ég gleymi ekki að sækja kúkkí á flugvöllinn, væri það ekki verra..........

posted by Big Bird a.k.a. BB 3:56 e.h.