föstudagur, ágúst 19, 2005

 

Þá er Kúkkí sjálfsagt lögð í hann áleiðis heim á Frjóna til þess að undirbúa afmælisveislu og hugsanlega eitthvað fleira. Mér tókst náttúrulega með minni einstöku skipulagsfærni að kom því þannig fyrir að geta ekki verið viðstödd afmælisfagnaðinn, ég veit ég er alger snillingur. Ég veit að Kúkkí mun ekki erfa það við mig en ég stefni á að kíkja á stelpuna á afmælisdaginn sjálfan í staðinn :-)

Það fór þó aldrei svo að Sesamestræti stæði autt á meðan núverandi ábúendur liggja í ferðalögum því bakaradrengurinn fluttist búferlum frá Dr. Gunnari í Fleygskógum yfir til strætisins. Stofu blómið og Viggo eru því í góðum höndum.
Af mér er lítið að frétta, ég sit fyrir framan blessaðan tölvuskjáinn flestum stundum undir því yfirskyni að ég sé að skrifa grein. Hvernig þau skrifa ganga verður ekki rætt ógrátandi og bið ég viðmælendur mína vinsamlegast að minnast ekki á það einu orði. Sem sagt gengur ofsa vel.
Annars leggst dvölin hérna heima bara vel í mig, hér sit ég með kött hringaðan alveg uppvið mig og hund sem yljar mér á tánum, frammi hlaupa lítlu frænkur mínar um allt og slúðursagna kliður berst úr eldhúsina, heima er gott að vera. Mér fannst það afskaplega undarlegt að vera heima svona fyrst um sinn allavega því mér finnst ég ekki síður eiga heima í Seattle. En hvernig get ég átt heima á fleiri en einum stað ? Ég velti þessu töluvert fyrir mér fyrstu dagana og reyndi að hafa í huga frasan "where ever I lay my hat that is my home". Var það þá hægt að eiga heima á mörgum stöðum ?

Þetta sá ég svo á mbl í morgun:
Breski rokkarinn Sting á sjö heimili og fullyrðir að hann þurfi á þeim öllum að halda til að missa ekki fótanna. Með því að eiga heimili á sjö stöðum sleppi hann við að gista á fínum hótelum og að þurfa að pakka ofan í ferðatöskur. Hann segist hafa í 25 ár búið í ferðatöskum, en á tónleikaferðalögum sé „miklu betra að geta farið heim til sín þar sem manns eigin bækur eru, manns eigin málverk og húsgögn“.

Tja fyrst Sting getur átt sjö heimili og öll séu þau "heim" hlýt ég að ráð við tvö, þetta er sjálfsagt bara spurning um hugarfar, ekki satt ?

posted by Big Bird a.k.a. BB 4:23 f.h.