laugardagur, júlí 16, 2005

 

Það er naumast að við eigum dygga lesendur! Já teljarinn sýnir að fólk heimsækir Strætið reglulega þó að uppfærslur séu afar strjálar þessa mánuðina. Mikið svakalega eru þið gott fólk lesendur góðir! (hehehe já ok þið sjáið kannski í gegnum þetta hjá mér, bara gat ekki staðist freistinguna að koma með smá geðslega sjálfsstyrkingu):Þ

En í fréttum er það helst að BB og Oscar héldu í víking til LA í morgun. Þar ætla þau að slá í gegn á ráðstefnu og hafa til sýnis undurfalleg og þýðingamikil veggspjöld með niðurstöðum úr endalausri rannsóknavinnu sinni. Aumingja Kúkkí greyið varð eftir heima og ætti að vera að skrifa ritgerð en mér fannst alveg kjörið að rita hér nokkur orð fyrst.
Humm...........hvað skal segja, já ég veit eitt skemmilegt. Hún Mista litla systir mín sem verið hefur í víking í Þýskalandi núna í 10 og hálfan mánuð er komin heim. Já stelpan lenti bara á Íslandi kl 15.30 á föstudaginn og skilst mér að strax hafi verið slegið upp opnu húsi í Hvannhólmanum henni til heiðurs. Usss þið getið ímyndað ykkur hvað mér þykir slæmt að hafa ekki verið á staðnum. Ég hef ekki séð hana síðan við mamma keyrðum hana á flugvöllinn í byrjun september og aldrei áður höfum við systur verið aðskyldar svona lengi. Sem ég heiti Kúkkí, skal það ekki gerast aftur. En ég þarf víst að bíða í 35 daga í viðbót en að kvöldið 20.ágúst fæ ég að knúsa krakkaskrattann aftur.

Já og hvað meira, jú ég get sagt ykkur að ég fór á fyrirlestur á föstudaginn sem fjallaði um hefðbundnar lækningar í Afríku. Þar var margt áhugavert sem bar á góma en mesta athygli vakti kynning ljósmóður sem var að tala um starf sitt. Hún lagði áherslu á að ólétta og barnsburður væri ekki sjúkdómur eins og læknavísindin eru að reyna að telja okkur trú um. Heldur væri þetta heilbrigt ástand sem þyrfti bara að hlúa eðlilega að en ekki vera með neitt vesen. Svo í framhaldi af þessu fór hún að tala um það hvaða rugl það væri eiginlega hér í Bandríkjunum að teljað það ósiðsamlegt að gefa barni brjóst á almannafæri. Hún lagði áherslu á það við karlmennina í salnum að brjóst kvenna væru mjólkurkirtlar ætlaðir til matargjafar og hefðu ekki kynferðislegan tilgangan eina og sér eins og flestir ungir piltar hér í US halda. Jamm hún bara hélt svo áfram og skammaði þá fyrir að leggja alla þessa áherslu á brjóstastærð og sílikon því að það hefði ekkert með tilgang brjóstanna að gera. Hheehheheh.....margur strákurinn roðnaði nú undir þessari ræðu!
Ég hafði svo sem aldrei hugsað um þetta áður en svona þegar hún sagði það þá hef ég ekki séð móður gefa barni brjóst í almannafæri hér í US. Margt er skrítið í kýrhausnum.
Svo minntist ég á þetta við vinkonu mína sem er frá Uganda og hún sagði að í hennar sveit snýst þetta allt um hver er með stærsta rassinn. Sem dæmi nefndi hún að þegar hún var ung stelpa í grunnskóla var ein stelpan í hennar bekk með svo stóran rass að það var hægt að leggja frá sér glas á rassinn. Og þegar strákarnir sáu hana þá ærðust þeir alveg yfir því hvað hún væri flott vaxin. Og eins og vinkona mín orðaði það: we learned early that a big butt was desirable! Kannski ég skelli mér til Uganda einhvern tíman :Þ

læt þetta nægja í bili og sný mér að ritgerðasmíð.
Þar til næst, gefstu ekki upp, lífið er langhlaup.

posted by Big Bird a.k.a. BB 11:06 f.h.