föstudagur, september 24, 2004

 

Díses kræst....það er ekkert vit að láta viku líða á milli skrifa hérna á Strætinu en staðreyndin eru sú að í dag er nákvæmlega vika frá því að skrifað var síðast. Og eitthvað hefur nú á daga okkar drifið á þessari viku....ekki hef ég nokkra trú á öðru. Látum okkur sjá.....jú BB og Armin komu heim á sunnudaginn úr ferðalaginu og læt ég BB eftir að segja ferðasöguna í máli og myndum. Humm....hvað fleira? Jú Morfeus (Hondan okkar) fékk nóg í verslunarferð með Dönunum og neitaði að fara í gang svo að draga varð hann heim á hlað og leggja höfuðið í bleyti um hvar leita skyldi lækninga fyrir greyið. Í bjartsýniskasti fékk BB leiðbeiningar hjá vini sínum um það hvernig við ættum greina hvort þetta væri sambandsleysi í startaranum. Ég átti víst að skríða undin bílinn með hamar og berja á startaranum á meðan BB sæti inni í bíl og reyndi að starta. Hummmmm....til að gera langa sögu stutta þá reyndum við þetta ekki þar sem við gátum ekki fundið út hvað að þessu vélarrusli var startarinn. Þó var BB með Hondu manualinn á hreinu en það voru bara engar skýringarmyndi með. BB græddi á þessu og nú getur hún haldið uppi samræðum um viðgerð á Hondum en því miður ekki aðstoðað við verklega þáttinn. Svo úr varð að við létum draga Morfeus á verkstæði og reddaði rússinn þar þessu máli fyrir spottprís. "Here is car" og "start car" voru þær setninga sem ég skildi þegar við sóttum hann en það er eins árs ábyrgð á viðgerðinni svo við erum sáttar.

En hápunktur vikunnar hingað til var svo season premier á ER í gærkvöldi :) Svo að Scan House partýið í kvöld verður að vera hryllilega gott til að toppa það!

Skráð við undirleik geislaplötunnar Trúbrot: brot af því besta.
Góðar stundir

posted by Big Bird a.k.a. BB 11:24 f.h.