sunnudagur, nóvember 03, 2002

 

Smá viðbót: Fyrir þá FÁVITA sem ekki geta reiknað út tímamismuninn sem er á milli Seattle og Íslands höfum við bara engin svör, þú ert því miður bara svona og því verður ekki breytt. Stilltu bara klukkuna í tölvunni þinni á Pacific Standard Time og þá þarftu ekkert að hugsa. (Fyrir þá sem ekkert skilja í þessum leiðbeiningum þá er þeim bent á að skoða gestabók okkar og þá væri tilvalið að skrifa í hana í leiðinni). Over and out

posted by Big Bird a.k.a. BB 1:48 f.h.

 

Jæja jæja ég skal þá skrifa eitthvað hér. Það kemur sem sagt enn og aftur í minn hlut að skrifa á þessa síðu þar sem að Big Bird er að fríka út af stressi vegna verkefna sinna. Það er heilmikið að segja þar sem að við höfum ekki skrifað lengi og hef ég frásögn mína. Þess ber fyrst að geta að Hrekkjavakan varð ekki alveg eins og áætlað var. Jú jú við vorum hér og stóðum okkur í stykkinu, borðstofuborðið svignaði undan veitingum er klukkan slóg 8 pm en eins og Húsat..... er siður þá bara mætti enginn. Flestir sem á gestalistanum voru komu með lélegar afsakanir fyrir fjarveru sinni svo það voru bara Big Bird, Cookie Monster og Lobos Marenges sem sátu að kræsingunum þetta kvöld. Þess ber að geta að afleiðing af þessu matarboði er því viku byrgðir af köldum kjúkling svo ef einhver er með hugmynd af góðum kjúklingarétt þar sem kjötið er ,,forgræjað´´ er hann beðinn að senda okkur línu. Hins vegar var gaman að fá alla krakkana í heimsókn og reiknast okkur til að 600 stk af Skittles hafi verið dreift úr Sesame stræti þessa Hrekkjavöku. En Hrekkjavökuþáttur Bráðavaktarinnar var alveg að standa undir væntingum ;o) Carter!!,we love you!!! Upp rann svo Dagurinn eftir Hrekkjavöku og var okkur boðið í Grímuteiti í tilefni þess. Við mættum gallvaskar að sið Íslendinga í engum búning (þjóðin er öll svo bæld og ekki segja mér að þú hefir farið í búning í teiti í Vesturbæinn!!) og tókum til við að kynnast verunum sem þarna svifu um. Sá hópur sem þorði í dansinn við hinar Villtu íslenku meyjar samanstóð af: Kapein Kirk úr Star Trek (ég var græn af öfund yfir búningum), Nunnu, Galdamanni með sítt hvítt skegg og svo kom þar líka Tennisleikari sem einnig sinnti gestgjafahlutverki sínu svo hann gat ekki lært öll íslensku Dansglímubrögði. Þetta var hin besta skemmtun en við munum taka það alvarlega næst er okkur verður boðið í Gímuteiti og fara dulbúnar. Í dag var vaknað fyrir allar aldir til að læra þar sem stefnan var tekin á EMP sem er merkt tónlistarsafn hér í borg. Þar lærðum við Allt um sögu tónlistar hér í þessu ágæta landi en þar sem hæst bar var auðvitað Grunge arfleið Seattle. Já við erum í vöggunni og í tilefni þess keyptum við miða á tónleika Pearl Jam sem fram fara 9.des. 2002. HAHAHAHAHAHAHA, já grátið bara. Klukkan er margt og ég er farin að sofa. Góðar stundir.

posted by Big Bird a.k.a. BB 1:34 f.h.

miðvikudagur, október 30, 2002

 

Dagurinn er að kveldi kominn hér í Sesame stræti og hvílík afköst í kvöld. Já það var margt á framkvæmdaráætluninni og viti menn, stelpurnar bara kláruðu allt saman og vel það. Efst á dagskrá var að tækla köngulærnar sem enn og aftur voru búnar að gera sig heimakomnar við ljósið fyrir utan framdyrnar, þrátt fyrir hreinsunarstarfssemi Lobos Marenges. Peran var sprungin og við þurftum að setja nýja svo litlu börnin myndu þora í heimsókn annað kvöld. Það var dregið um hver skildi hætta lífi sínu og Cookie Monster tapaði. Ég fór klædd dulbúning úr íslenskri ull, með bleika gúmmíhanska og strákúst en Big Bird sá um vasaljósið og veitti andlegan stuðning. Ég segi nú ekki að þetta hafi verið auðvelt, svitinn perlaði á enni og hendurnar hættu bara ekki að skjálfa, mesta furða að ég missti ekki kúpulinn. Þar sem að ég var að festa síðustu skrúfuna kom ein könguló þjótandi að mér að því virtist á ljóshraða, aarrrggggg, rétt slapp inn fyrir og Big Bird skellti hurðinni. Þar skall hurð nærri hælum eða köngulóarfótum. Næsta verkefni var graskerjaútskurður og það verður bara að segjast að við erum að Rúla svo gjörsamlega í þeim efnum. Að hætti heimamanna söfnuðum við fræjunum en við vorum ekki alveg jafn þjóðlegar í myndavali svo núna er úti á palli þessi líka MYNDALEGA geimvera. Síðasta verkefni kvöldsins var að fara að lesa og eins og þið eruð kannski búin að uppgötva þá er BB að lesa og ég að skrifa alla þessa vitleysu. Annað kvöld verður svo haldin veisla í Sesame strætinu, já það byrjaði smátt, bara einum boðið en er dagur var á enda þá voru allt í einu 6 manns komnir á gestalistann, þetta minnir mig bara á aðferðir Húsat........ ef þið vitið hvað ég á við ;o) Við höfum ákveðið að matur verði á borinn á borð einhvers staðar á milli Vina og Bráðavaktarinnar sem eru báðir með Hrekkjavökuþema í tilefni dagsins. Gleðilega Hrekkjavöku!!!!!

posted by Big Bird a.k.a. BB 11:30 e.h.

þriðjudagur, október 29, 2002

 

Ég vil byrja á því að biðja aðdáendur okkar innilegrar afsökuna á gleymsku minni í gær. Þeir sem mig þekkja ættu þó að vera vanir því að hlutir bara hreinlega ,,gleymist´´ hjá mér og kippa sér ekkert upp við þetta. Ég kveikti á tölvunni í gær til að skrifa en fór svo að kíkja á aðrar heimasíður og bara gleymdi mér. En nú er ég hér og ætla að skrifa smá ;o) Dagurinn okkar var fínn, við vorum í skólanum og svo fórum við að borða í hádeginu með tveimur Íslendingum sem eru hér líka við nám, það var skemmtileg tilbreyting að geta talað móðurmálið yfir Tæ-matnum og margt bar á góma. Heim var haldið að lokum afkastamiklum degi, tali þó hver fyrir sig. Sem fyrr var það Lobos Marenges sem sá um að koma okkur hingað og bætti um betur því nú er tölvunördið í strætinu án ,,voða fína kubbsins´´ sem á að vera á móðurborðinu. Hann verður sendur í sólina í Californiu í endurhæfingu og svo sjáum við til hvað hann getur!! Annað kvöld verður merkilegt þar sem að útskurður mun hefjast í Sesame stræti. Við erum búnar að velja myndefnið og mun það vísa til stöðu okkar hér í USA, já öll erum við víst ailiens hér og bein þýðing á því myndi vera: Geimvera, eða eins og Lobos segir: Crazy Icelanders. Já, það erum víst Við, brjálaðar geimverur. En erum við ekki öll geimverur? búum við ekki öll í geimnum? Þess ber að geta að skrif þessi eru ekki styrkt af Tuborg ef einhver hélt að þetta væri drykkjuröfl. Ástæðan fyrir því að ég er að pikka þetta er sú að Big Bird er að sinna áráttu sinni hér í stólnum við hlið mér. Já þið sem hann þekkið vitið hvaða seremónía þetta er með naglaþjölina og lakkið, úff, Hví varaði enginn mig við? Eins og marg oft hefur komið fram að undanförnu er Hrekkjavaka hér á fimmtudaginn og mun Big Bird vera yfirumsjónamaður með nammikörfunni, planið fyrir kvöldið er svo að elda hinn fræga Gullu Kjúkling og græja svo í eftirrétt vöfflur með súkkulaði, jarðaberjum og ís, nammm nammm ég get ekki beðið. Good Night Seattle

posted by Big Bird a.k.a. BB 10:29 e.h.

 

Eitthvad for tad nu forgordum ad skrifa i gaer en tad verdur vist svo ad vera er tad ekki. Annars er nog um frettir en bara ekki af okkur vid bara lesum allan daginn, ad minnsta kosti reynum vid ad sannfaera okkur um ad tad se tad sem vid erum ad gera. Eru annars flestir dagar ekki bara ein stor kaffi pasa ? Tad bar samt helst til tidinda i gaer ad efnividurinn i glaesilegasta hrekkjuvoku grasker sem menn hafa sed er komin i hus. I fyrra hafdi eg natturulega Andra til tess ad bera kerid heim.....tau eru nefnilega tyngri en tid haldid, allavega ef tu tarft ad labba heim ; ) . Okkur tokst hinsvegar ad gappa til lids vid okkur serlegan konguloa fjarlaegara okkar, Lobo Marleges og kunnum vid honum takkir fyrir. Nu bidum vid bara spenntar eftir skemmtilegum tillogum hvernig sigur brosid eigi a lita ut.

posted by Big Bird a.k.a. BB 10:46 f.h.